Nūr-Sūltanda şyrşa jaǧu räsımı qaşan jäne qaida ötetını belgılı boldy, - dep habarlaidy "Adyrna" ūlttyq portaly qala äkımdıgıne sılteme jasap.
Äkımdıktıŋ habarlauynşa, 22 jeltoqsan saǧat 20: 00-de Nūr-Sūltanda qalanyŋ barlyq jaŋa jyldyq şyrşalary janady. Qala aumaǧynda olardyŋ sany 30-dan asady. Habar telearnasy «Ǧajaiyp şyrşa» qysqametrajdy filmın 19:50-de körsete bastaidy, al 20: 00-de EKSPO-da ornalasqan bas şyrşany jaryqtandyruǧa arnalǧan daiyndalǧan beinerolik körsetıledı.
On minuttyq filmnıŋ özı bırneşe novelladan tūrady: igı ıster, januarlarǧa degen süiıspenşılık pen qamqorlyq, ata-analarǧa degen qūrmet pen qamqorlyq, otbasylyq qūndylyqtar.
Sondai-aq 22 jeltoqsanda «Üidegı şyrşany bezendıru» fleşmoby aiasynda azamattardy 22 jeltoqsanda saǧat 20.00-de öz üilerınde şyrşany jaǧuǧa qatysuǧa şaqyratyn beinerolik jariialandy. Būl fleşmobqa kez-kelgen adam telefonǧa video nemese foto tüsırıp, äleumettık jelılerge ornalastyra otyryp, Nūr-Sūltan äkımdıgınıŋ paraqşasyn belgılei otyryp, #Meiırımdıboluädet, #Dobrotaobrazjizni, #Modnobytdobrym heştegımen jariialai alady.
Jaŋa jyl qarsaŋynda elorda tūrǧyndary üşın beine qūttyqtaular ūiymdastyrylady. Oǧan tanymal adamdar, qazaqstandyq estrada jūldyzdary, akterler jäne t.b. qatysady.
Ūqsas jaŋalyqtar
