سەنات بۇقارالىق اقپارات قۇرالدارىندا سىرا جارناماسىنا تىيىم سالدى، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
بۇعان دەيىن ءماجىلىس ماقۇلداعان «اقپارات ماسەلەلەرى تۋرالى» زاڭ جوباسىنا ەكى بىردەي وزگەرىس ەنگىزىپ، كەرى قايتاردى. ءماجىلىس دەپۋتاتتارى وتاندىق سىرا مەن تاۋار بەلگىسىن جارنالاماۋعا رۇقسات ەتكەن بولاتىن. ال سەناتورلاردىڭ ايتۋىنشا، بىلتىر سىرا ءوندىرىسى جارناماسىز-اق 11 پروتسەنتكە وسكەن. سوندىقتان سىرانى جارنامالاۋدىڭ قاجەتى جوق دەپ وتىر.
«اقپارات ماسەلەلەرى تۋرالى» زاڭ جوباسى تەلەراديو حابارلارىن تاراتۋ جانە اقپارات سالاسىنداعى زاڭنامانى جەتىلدىرۋ مەن وتاندىق باق-تىڭ باسەكەگە قابىلەتتىلىگىن دامىتۋعا باعىتتالعان.
«ادىرنا» ۇلتتىق پورتالى
