سالپىنشاق ۇلەستىرۋ مەزەتى ءبىتتى مە؟ بىتسە، بيلىككە قاراتا بىرەر ءسوز ايتايىق. بەلگىلەنگەن ستاتۋتى بويىنشا، "حالىق العىسى" مەدالى مۇعالىمدەر مەن دارىگەرلەردى جانە پاندەميا كەزىندە ەرەكشە كوزگە تۇسكەن ازاماتتاردى ماراپاتتاۋعا ارنالعان ەكەن. ءجون! وتە مەيىرىمدى ماراپات!
بىراق پاندەميا كەزىندە كوۆيد مايدانىندا قازا تاپقان 182 مەديتسينا قىزمەتكەرى نەگە ۇمىت قالدى؟ ولاردى "پوسمەرتنو" دەگەن بەلگىمەن ماراپاتتاۋعا بولماس پا ەدى؟! ولار ىندەتپەن كەسكىلەسكەن كۇرەستە "سوعىس الاڭىندا" ەرلىكپەن قازا تاپتى!
كەشە عانا، بەس-التى اي بۇرىن قازا بولدى! ءولدى! ءبىتتى! جوق! قازاق ەلىن قاتەردەن الىپ قالۋ جولىندا جانىن بەرگەن وسى 182 بوزداقتى وكىمەت ۇمىتتى ما؟
بىراق ولاردى وكىمەت ۇمىتسا دا، ولاردىڭ بالا-شاعاسى مەن تۋعان-تۋىستارى، ەڭبەك ۇجىمدارى، پاتسيەنتتەرى، ءولىمنىڭ اۋزىنان قايتقان ءاربىر ادام ۇمىتپايدى (ولاردىڭ سانى ونداعان مىڭ!).
ەلدى كەشەگى كاتاستروفادان قۇتقارىپ قالعان دارىگەرلەر ەدى. ەندەشە ولاردىڭ قازا تاپقان ارىپتەستەرىنە، ءشايىت بولعان بوزداقتاردىڭ ارۋاق رۋحىنا "حالىق العىسىن" ايتۋعا بولماس پا ەدى؟
ەرمۇرات باپي: مەديتسينا قىزمەتكەرى نەگە ماراپاتتالمادى؟
20.12.2020
2994
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз