اقىرى كەشەدەن بەرى جەر تۋرالى ماسەلە شىعىپ جاتىر ەكەن. ءوز ويىمدى، ازاماتتىق پىكىرىمدى بىلدىرسەم.
جەر بەتىندە قانشاما ۇلت، ۇلتاراقتاي جەرگە يە بولىپ، تاۋەلسىز ەل بولۋدى ارمانداۋدا. ءبىز دە الدىمەن اللاعا شۇكىر، ەكىنشى اتا-بابالارىمىزعا مىڭ راحمەت، التاي مەن ارقا اراسىن سوزىپ جاتقان، ۇلان- عايىر جەرىمىز بار. نەلىكتەن بۇل ماسەلە وسىمەن قانشا مارتە، كورشىلەس ەلدە كوتەرىلەدى؟ ونىڭ مىڭ سان سەبەبى بولۋى مۇمكىن. مەن كورىپ تۇرعان ءبىر سەبەبى، جەرىمىز بوس جاتىر. حالىق سانى از شوعىرلانعان، يگەرىلمەي جاتىر. پويىزبەن ەكى وبلىس اراسىنا جول ءجۇرىپ كورسەڭىز، ءوزىڭىز دە راستايسىز.
قيت ەتسە، شەت ەلدىك تاجىريبە دەيمىز عوي. جەرىنىڭ تەك 20% - ى عانا اۋىل شارۋاشىلىعى ونىمدەرىن وسىرۋگە مۇمكىندىگى بار يزرايل، ءوز ىشىندە نارىقتىڭ 90%- ىن ازىق- تۇلىكپەن، اۋىل شارۋاشىلىق ونىمدەرىمەن قامتاماسىز ەتىپ وتىر. جانە الىس- جاقىن شەت ەلگە دە ەكسپورتتاۋدا. ەۋرو وداقتى قوسقاندا.
ءبىز از عانا حالقى بار مەملەكەتپىز. تەك ءبىر عانا اۋىل شارۋاشىلىعىن دامىتىپ، بوس جاتقان جەردى يگەرىپ عانا 18 ملن حالىقتى اسىراۋعا بولادى، دەپ ويلايمىن. جانە ءبىزدىڭ ونىمدەر شىنىندا دا ءدامدى جانە ساپالى ەمەس پە؟ ونى الىس- جاقىن شەت ەلگە بارىپ، وزگە ەلدىڭ ەتى مەن نانىن جەپ كەلگەندەر راستاي الادى. تەك 18 ملن حالىقتى اسىراپ عانا ەمەس، الەمدە اۋىلشارۋاشىلىق سالاسىنىڭ دەرجاۆاسى بولۋعا ابدەن قاۋقارىمىز بار.
اتا- بابالارىمىزدىڭ قانىمەن الىپ بەرگەن جەرىنىڭ، قازبا بايلىعى تاۋسىلار. "تۇلكىنىڭ قىزىلى وزىنە سور". ەندى بىزگە جەر استى بايلىعىن ەمەس، ءۇستىنىڭ بايلىعىن ءوز نەسىبەمىزگە جاراتار كۇن كەلدى.
ەكىنشى ماسەلە."بايدىڭ اسىن، بايعۇس قىزعانادى",- بولماي. جاس جانە كوپ بالالى وتباسىلارعا بارىنشا قامقورلىق كورسەتىلۋى ءتيىس. "بالانى قالاي اسىرايمىن",- دەپ، قورىقپاي، ەرتەڭىنە سەنىمدى بولعاندا عانا حالىق سانى كوبەيەدى. سوندا عانا ءبىز وسى جەرگە يە بولا الامىز. اسىرەسە اۋىلداعى اعايىننىڭ جاعدايى جاسالسا، التىن قۇرساقتى انالارىمىز 7-8 قارادومالاقتى كوبەيتەر ەدى.
ءۇشىنشى ماسەلە، حالىقتى جاپپاي سالماقتى، زاماناۋي بىلىمگە جەتەلەۋ. ارزان ويىن- كۇلكىنىڭ زامانى ءوتتى. جان- جاعىمىزعا قاراپ بالالارىمىزدى زامانعا ساي ءبىلىم بەرۋگە ۇمتىلدىرۋ. ول ءۇشىن ارينە ءبىز اتا- انالار ءوزىمىز سانالى، ساۋاتتى بولۋىمىز كەرەك. ينستاداعى جۇلدىزداردىڭ، ارزان كۇلكىلى دۇنيەگە ەمەس، سالماقتى، ساليحالى دۇنيەنى ۇلاعاتتايتىن ۋاقىت كەلدى.
فوتو اشىق دەرەككوزدەن الىندى.
