«قازاقستاننىڭ جەرى – بۇل رەسەي تاراپىنان جاسالعان سىيلىق»، - دەيدى رەسەي مەملەكەتتىك دۋماسىنىڭ دەپۋتاتى ۆياچەسلاۆ نيكونوۆ. نيكونوۆ بۇل سوزدەرىن رەسەيلىك «ءبىرىنشى ارنادا» وتكەن «ۇلكەن ويىن» باعدارلاماسىندا ايتتى دەپ حابارلايدى «ادىرنا» ۇلتتىق پورتالى Orda.kz سايتىنا سىلتەمە جاساپ.
«قازاقستان دەگەن جەر مۇلدە بولماعان. قازىرگى سولتۇستىك ايماعىندا ادام تۇرماعان. حالىقتىڭ باسىم بولىگى وڭتۇستىك جاقتاردا عانا بولعان. قازاقستاننىڭ قازىرگى جەرى كەڭەس وداعى مەن رەسەيدىڭ جاساعان سىيلىعى»،-دەدى ۆ.نيكونوۆ. سونىمەن قاتار ول رەسەي بارلىق ەلدى جاۋلاپ العان دەگەنمەن كەلىسپەيتىنىن ءبىلدىردى.
«رەسەيدىڭ بەلورۋستى جاۋلاپ العانى ەسىمدى جوق. ءيا، پولياكتاردان بىرەن-ساران جەردى العانى بار. شىعىس ۋكراينانى تۇركيادان تارتىپ الدى. بىراق نەگە مۇنى جاۋلاپ الدى دەيتىندەرىن تۇسىنبەيمىن. گرۋزيانى ەشكىم جاۋلاپ العان جوق. گرۋزيندەر تۇرىكتەردەن ارمياندار سەكىلدى وزدەرى قاشىپ كەلدى»،-دەيدى دۋما دەپۋتاتى.
رەسەيلىك شەنەۋنىكتىڭ مۇنداي سوزدەرىنە قازاقستان سىرتقى ىستەر مينيسترلىگى ءمان بەرمەيتىن سياقتى. قازتاگ اگەنتتىگىنىڭ سەنىمدى اقپارات كوزى ۆەدوسمتۆو تاراپى «رەسەيدىڭ مەملەكەتتىك دۋماسىنىڭ الدەبىر دەپۋتاتى ايتا سالعان سوزىنە» تۇسىنىك بەرۋدى ءجون سانامايتىنىن ءبىلدىرىپتى.
فوتو اشىق دەرەككوزدەن الىندى.
