«Qazaqstannyŋ jerı – būl Resei tarapynan jasalǧan syilyq», - deidı Resei memlekettık dumasynyŋ deputaty Viacheslav Nikonov. Nikonov būl sözderın reseilık «Bırınşı arnada» ötken «Ülken oiyn» baǧdarlamasynda aitty dep habarlaidy «Adyrna» ūlttyq portaly Orda.kz saityna sılteme jasap.
«Qazaqstan degen jer mülde bolmaǧan. Qazırgı soltüstık aimaǧynda adam tūrmaǧan. Halyqtyŋ basym bölıgı oŋtüstık jaqtarda ǧana bolǧan. Qazaqstannyŋ qazırgı jerı Keŋes odaǧy men Reseidıŋ jasaǧan syilyǧy»,-dedı V.Nikonov. sonymen qatar ol Resei barlyq eldı jaulap alǧan degenmen kelıspeitının bıldırdı.
«Reseidıŋ Belorusty jaulap alǧany esımdı joq. İä, poliaktardan bıren-saran jerdı alǧany bar. Şyǧys Ukrainany Türkiiadan tartyp aldy. Bıraq nege mūny jaulap aldy deitınderın tüsınbeimın. Gruziiany eşkım jaulap alǧan joq. Gruzinder türıkterden armiandar sekıldı özderı qaşyp keldı»,-deidı duma deputaty.
Reseilık şeneunıktıŋ mūndai sözderıne Qazaqstan Syrtqy ıster ministrlıgı män bermeitın siiaqty. QazTAG agenttıgınıŋ senımdı aqparat közı vedosmtvo tarapy «Reseidıŋ memlekettık dumasynyŋ äldebır deputaty aita salǧan sözıne» tüsınık berudı jön sanamaitynyn bıldırıptı.
Foto aşyq derekközden alyndy.
https://www.youtube.com/watch?v=QjtbRDwoSac&feature=emb_logo
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz