ءبىر تاۋلىكتە تاعى 729 ادام كۆي-عا شالدىقتى. اۋرۋ جۇقتىرۋ ءوسىمى بويىنشا كوش باسىندا – نۇر-سۇلتان قالاسى. مۇندا ءبىر كۇندە 106 ناۋقاستان كوروناۆيرۋس انىقتالدى، دەپ حابارلايدى «ادىرنا» «كتك» تەلەارناسىنا سىلتەمە جاساپ.
ءدال وسى دياگنوز وتكەن تاۋلىكتە 100-گە تارتا پاۆلودار وبلىسىنىڭ تۇرعىنىنا قويىلعان. شىعىس قازاقستان وبلىسى دا قىزىل ايماقتان شىققانىمەن، ۆيرۋس جۇقتىرۋ كورسەتكىشى تومەندەمەي تۇر. وڭىردە تاۋلىك ىشىندە 95 ادامنان Covid-19 انىقتالدى. ال ەپيدەميولوگيالىق احۋالى تۇراقتى قىزىلوردا وبلىسىندا ءبىر عانا تۇرعىن دەرت جۇقتىرعان. كوروناۆيرۋس پنەۆمونياسى دياگنوزى ءبىر كۇندە 215 ادامعا قويىلدى. جالپى بۇل دەرتتى 1-تامىزدان بەرى 43 339 ناۋقاس جۇقتىرعان. ال كوروناۆيرۋسپەن جالپى سانى 138 382 ادام تىركەلدى. ءدال قازىر 14 مىڭداي ادام Covid-19-دان ەمدەلىپ جاتىر. ونىڭ مىڭنان استامى – بالا. 231 ناۋقاستىڭ جاعدايى اۋىر. وسىعان دەيىن وكپە قابىنۋىنان 456, كوروناۆيرۋستان 2088 ادام باقيلىق بولدى.
«ادىرنا» ۇلتتىق پورتالى
