Covid-19: 231 naýqastyń jaǵdaıy aýyr

2208
Adyrna.kz Telegram

Bir táýlikte taǵy 729 adam KVI-ǵa shaldyqty. Aýrý juqtyrý ósimi boıynsha kósh basynda – Nur-Sultan qalasy. Munda bir kúnde 106 naýqastan koronavırýs anyqtaldy, dep habarlaıdy «Adyrna» «KTK» telearnasyna silteme jasap.

Dál osy dıagnoz ótken táýlikte 100-ge tarta Pavlodar oblysynyń turǵynyna qoıylǵan. Shyǵys Qazaqstan oblysy da qyzyl aımaqtan shyqqanymen, vırýs juqtyrý kórsetkishi tómendemeı tur. Óńirde táýlik ishinde 95 adamnan Covid-19 anyqtaldy. Al epıdemıologııalyq ahýaly turaqty Qyzylorda oblysynda bir ǵana turǵyn dert juqtyrǵan. Koronavırýs pnevmonııasy dıagnozy bir kúnde 215 adamǵa qoıyldy. Jalpy bul dertti 1-tamyzdan beri 43 339 naýqas juqtyrǵan. Al koronavırýspen jalpy sany 138 382 adam tirkeldi. Dál qazir 14 myńdaı adam Covid-19-dan emdelip jatyr. Onyń myńnan astamy – bala. 231 naýqastyń jaǵdaıy aýyr. Osyǵan deıin ókpe qabynýynan 456, koronavırýstan 2088 adam baqılyq boldy.

«Adyrna» ulttyq portaly

Pikirler