جەڭىلىس ءدامىن تاتپاعان امەريكالىق بوكسشى فلويد مەيۆەزەر تانىمال YouTube-بلوگەر لوگان پولمەن جەكپە-جەك وتكىزەتىنىن حابارلادى. ايقاس 2021 جىلدىڭ 20 اقپانىنا جوسپارلانعان، دەپ حابارلايدى "ادىرنا" ۇلتتىق پورتالى.
كەزدەسۋدىڭ قايدا وتەتىنى قازىرشە بەلگىسىز. isport.ua-دىڭ دەرەگىنشە، ترانسلياتسيانى قازىردىڭ وزىندە 24,99 دوللارعا ساتىپ الۋعا بولادى ەكەن. سوڭعى رەت مەيۆەزەر 2018 جىلدىڭ 31 جەلتوقسانىندا توكيودا شارشى الاڭعا شىعىپ، تەنسين ناسۋكاۆانى ءبىرىنشى راۋندتا نوكاۋتقا جىبەرگەن بولاتىن.
25 جاستاعى پولدىڭ رينگتەگى دەبيۋتى 2019 جىلدىڭ قاراشا ايىندا وتكەن. ول كەزدە تورەشىلەردىڭ شەشىمىمەن جەڭىس KSI دەگەن اتپەن تانىمال بلوگەرگە بەرىلگەن.
پولدىڭ YouTube-ارناسىنا 20 ملن-نان استام ادام جازىلعان.
سۋرەت Reutersتەن الىندى
