300-دەن استام ادام بەلگىسىز كەسەلمەن اۋرۋحاناعا ءتۇستى

2801
Adyrna.kz Telegram

ءۇندىستاننىڭ اندحرا-پرادەش شتاتىنداعى ەلۋرۋ قالاسىنىڭ ءبىر تۇرعىنى بەلگىسىز اۋرۋدان قايتىس بولدى. تاعى 315 ازامات اۋرۋدىڭ ۇقساس بەلگىلەرىمەن اۋرۋحاناعا ءتۇستى، دەپ حابارلايدى «ادىرنا» «حابار 24»-كە سىلتەمە جاساپ.

دارىگەرلەردىڭ ايتۋىنشا، ناۋقاستاردا باس اۋرۋى، باس اينالۋ، ەستەن تانۋ جانە ەپيلەپسيا بەلگىلەرى بار. تۇرعىندار اتالعان بەلگىلەرمەن 5 جەلتوقساننان باستاپ اۋرۋحانالارعا تۇسكەن، ال 6 جەلتوقسان تۇندە ولاردىڭ سانى 315-كە جەتتى، ولاردىڭ 70-ءى ايەلدەر مەن 46-سى بالالار. پاتسيەنتتەردىڭ كوپشىلىگىنىڭ جاعدايى تۇراقتى. سونىمەن قاتار پاتسيەنتتەردەن الىنعان كوروناۆيرۋس تەستى تەرىس ناتيجە كورسەتكەن.

قازىرگى ۋاقىتتا جەرگىلىكتى دەنساۋلىق ساقتاۋ ورگاندارىنىڭ وكىلدەرى اۋرۋدىڭ قوزدىرعىشى انىقتالماعانىن ايتتى. ناۋقاستاردىڭ سۋ، تاماق جانە قان سىنامالارى زەرتتەۋگە جىبەرىلدى. سونىمەن بىرگە، ۆەدومستۆو مۇنداي جاپپاي اۋىرۋ اۋانىڭ لاستانۋىمەن نەمەسە ساپاسىز ءونىمدى تۇتىنۋمەن بايلانىستى بولۋى مۇمكىن ەكەنىن ايتۋدا.

«ادىرنا» ۇلتتىق پورتالى

پىكىرلەر