جامبىلدىق پوليتسەيلەر مالشىدان توعىز كەلى ماريحۋانا تاركىلەدى، – دەپ حابارلايدى «ادىرنا» ۇلتتىق پورتالى Polisia.kz-كە سىلتەمە جاساپ.
2020 جىلدىڭ 3 جەلتوقساندا جەدەل-ىزدەستىرۋ ءىس-شارالارىن جۇرگىزۋ كەزىندە پوليتسيا قىزمەتكەرلەرى شۋ اۋدانىنىڭ جايىلىمىنداعى قۇمعا جاقىن ماڭداعى ايماقتا مالشى بولىپ جۇمىس ىستەيتىن 45 جاستاعى جەرگىلىكتى تۇرعىننان جالپى سالماعى 8 كەلى 880 گرامم “كەپتىرىلگەن ماريحۋانا” ەسىرتكى قۇرالىن تاۋىپ، تاركىلەدى.
«اتالعان دەرەككە قاتىستى قر قك-ءنىڭ 296-بابى 4-بولىگى (ەسىرتكى قۇرالدارىن، پسيحوتروپتىق زاتتاردى، سول تەكتەستەردى اسا ءىرى مولشەردە وتكىزۋ ماقساتىنسىز زاڭسىز دايىنداۋ، قايتا وڭدەۋ، ساتىپ الۋ، ساقتاۋ، تاسىمالداۋ) بويىنشا سوتقا دەيىنگى تەرگەۋ باستالدى. قىلمىس جاساعانى ءۇشىن ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان. ۇستالعان ازامات كىناسىن تولىق مويىنداپ، شۋ اۋدانىنىڭ ۋۇي-نە قاماققا الىندى»،-دەلىنگەن حابارلامادا.
«ادىرنا» ۇلتتىق پورتالى
