«ستۋدەنتتىك ءومىر – ءومىرىڭنىڭ ەڭ جارقىن ساتتەرى» دەپ ايتۋشى ەدى ۇلكەندەر. بۇگىنگى كۇنىم سول سوزدەردىڭ دالەلىندەي. ۇبت وتە سالىسىمەن الماتى قالاسىنا، ارمانداعان وقۋ ورنىما كەلۋگە قاتتى اسىقتىم. وقۋ ورنىن ارمانداعاندا ويىما تەك ءال-فارابي اتىنداعى قازاق ۇلتتىق ۋنيۆەرسيتەتى كەلەتىن. وسى وقۋ ورداسىنا العاش كەلگەندەگى سەزىمىم ەرەكشە بولدى. بيىك تاۋلارعا تامسانا قارادىم. ءال-فارابي ەسكەرتكىشىنە ۇزاق قاراپ تۇردىم دا، ىشىمنەن ەرەكشە جىلۋعا تولى «ءال-فارابي اتا» دەگەن ءسوزدى ايتتىم. كۇن سايىن ساباققا كەلىپ-كەتىپ جۇرگەندە بيىك رەكتوراتقا قارايمىن دا، قاسيەتتى قارا شاڭىراقتىڭ ستۋدەنتى بولعانىما شۇكىرشىلىك ايتامىن. مەن ءۇشىن ەرەكشە ءارى ماڭىزدى كۇن «ستۋدەنتتەردى قابىلداۋ كەشى» بولدى. بۇل كەش وتە جوعارى دەڭگەيدە ءوتتى. ءال-فارابي اتىنداعى قازاق ۇلتتىق ۋنيۆەرسيتەتىندە ستۋدەنتتەرگە مۇمكىندىك كوپ. ءتۇرلى باعىتتاعى ۇيىمدار بار. ۇيىمدارعا كىرىپ، قوعامدىق جۇمىستارعا ارالاسۋعا زور مۇمكىندىك بار.قازۇۋ-دا كۇن سايىن جاڭا دوستارمەن تانىستىم. وسىلايشا، ورتام كەڭەيدى. «سۇڭقار ستۋدەنتتەر مەن ماگيسترانتتار كاسىپوداعىنىڭ» مۇشەسى بولدىم. سۇڭقاردىڭ جەتكەن جەتىستىكتەرىن قاراپ، قوعامعا پايدالى كاسىپوداق ەكەنىنە كوز جەتكىزىپ سۇڭقاردى تاڭدادىم. «سۇڭقار» كاسىپوداعىنىڭ جوعارعى كۋرس ستۋدەنتتەرى ءبىزدى «بالمۇزداقتارىم» دەپ ەرەكشە مەيىرىممەن قارسى العان ەدى. سۇڭقاردىڭ ءار جينالىسى قىزىقتى وتەدى. وسى كاسىپوداقتى تاڭداعانىما قۋانامىن. مەنىڭ ورتامدى، دوستارىمدى كەڭەيتتى. ءار جينالىستا وتكىزىلەتىن ءىس-شارالار تۋرالى اقىلداسىپ، پىكىر الماسىپ تۇراتىنبىز. قازىر ونلاين جينالىستار بولادى. كەرەمەتتەگى سۇڭقارعا ارنالعان بولمەگە كەزەكشىلىككە بارىپ تۇراتىنبىز. كەرەمەتتە قازۇۋ ستۋدەنتتەرىنە مۇمكىندىك كوپ. جۇمىسپەن قامتۋ ورتالىعى، كينوتەاتر، كىشىگىرىم اۋرۋحانا دا بار. بۇدان بولەك ستۋدەنكە قاجەتتىنىڭ ءبارى تابىلادى. قازۇۋ-دا ينتەرنەت ورتالىعى، ءو.ا. جولداسبەكوۆ اتىنداعى ستۋدەنتتەر سارايى، مۇراجاي، كومپيۋتەرلى- تەحنيكالىق جابدىقتار، WI-FI سىمسىز ينتەرنەت جەلىسى، اۋقىمى كەڭ سپورتتىق كەشەن سىندى ورتالىقتار ورنالاسقان. ال-فارابي اتىنداعى كىتاپحانادا كىتاپتىڭ بارلىق ءتۇرى بار. ستۋدەنتتەرگە ەش قيىندىقسىز كىتاپ الۋعا مۇمكىندىك جاسالعان. بۇنىڭ بارلىعى ستۋدەنتتىڭ ەش قيىندىقسىز ءبىلىم الۋىنا جاسالعان جوعارى مۇمكىندىك. وقۋ ورنىندا ەسىمنەن كەتپەيتىن ەرەكشە كۇن فيلولوگيا جانە الەم تىلدەرى فاكۋلتەتىنىڭ ستۋدەنتتەرىمەن تاۋعا شىققانىمىز. جوعارى كۋرس ستۋدەنتتەرى بىزگە بارىنشا قامقورلىق تانىتىپ، جاقىن تانىسۋ ماقساتىندا ءبىزدى تاۋعا الىپ باردى. تاۋداعى «بۋتاكوۆكا» سارقىراماسىنا باردىق. قىزىقتى ويىندار وينادىق. گيتارامەن ءان ايتىلدى. ءبىزدىڭ كازۇۋ قالاشىعىندا كەڭ تارالعان، «كازگۋگراد» ءانىن تىڭدادىق. وسىلاي ءبىلىم ورداسىنداعى جاڭا اقپارات الىپ، جاڭا ادامداردى تاني تۇسكەن قىزىقتى كۇنىمىز جالعاسا بەردى. «بالمۇزداق» دەگەن اتاۋدى ۇناتپاي جاتاتىندار دا بار. ماعان «بالمۇزداق» اتاۋى قاتتى ۇنادى. ەكىنشى، ءۇشىنشى كۋرس ستۋدەتتەرى بىزبەن تانىسىپ، ءبىز كەلگەندە قارسى الىپ «بالمۇزداقتار» دەپ اتاعان بولاتىن. ءبىز دە بيىل كەلگەن ستۋدەنتتەرمەن تانىسىپ، «بالمۇزداقتار» دەپ اتاپ، جەلىدە سۇراقتارىنا جاۋاپ بەرىپ ءجۇرمىز. قازۇۋ-دىڭ جوعارى كۋرس ستۋدەنتتەرى ءبىرىنشى كۋرس ستۋدەنتتەرىنە بارىنشا قامقور بولادى. قازۇۋ-دا ستۋدەنتتەرگە بەرىلەتىن مۇمكىندىكتەر جوعارى. تەك ونى دۇرىس پايدالانۋ ءبىزدىڭ ەنشىمىزدە. الماتىنىڭ اسەم جەرلەرىن كورىپ، سول جەرلەرگە قاتىستى وي-پىكىر قالىپتاستىرۋ رۋحاني دامۋدىڭ ءبىر ءتۇرى دەگەن ويدامىن. ازىرگە مۇراجايلاردىڭ بارلىعىندا بولماسام دا، مۇراجايلاردى كورىپ شىعۋ جوسپارىمدا بار. وقۋ ورنىنا كەلگەلى دوستارىمنىڭ سانى ارتا ءتۇستى. قازىر قاشىقتىقتان ءبىلىم الۋدامىز. قازىر ەستەلىككە، جىلىلىققا ورانعان قارا شاڭىراقتى ساعىنىپ ءجۇرمىز. ۇستازدارمەن جانە توپتاعىلارمەن اماندىقتا قاۋىشايىق دەگەن تىلەكتەمىن. ستۋدەنتتە مۇمكىندىك تە، ۋاقىت تا كوپ، تەك ونى دۇرىس جۇمسايتىن باعىت بولسا بولعانى. سوندا باقىتتىڭ دا بولعانى. اتام ستۋدەنتتىك ءومىرىن ەرەكشە سەزىممەن، ساعىنىشپەن ايتىپ بەرگەندە «تەزىرەك ستۋدەنت بولسام» دەپ ارمانداۋشى ەدىم. ستۋدەنتتىك ءومىر شىنىندا دا ەرەكشە، قايتالانبايتىن، ءتاتتى ەستەلىكتەرگە تولى بولاتىندىعىن سەزىنۋدەمىن. باستىسى، ستۋدەنتتىك ءومىردى جاي عانا ەستەلىكتەرگە تولتىرۋدى ەمەس، جاقسى ەستەلىكتەرگە تولتىرۋدى ماقسات ەتتىم. قازۇۋ-عا جان-جاقتان تالانتتى ستۋدەنتتەر مەن ماگيسترانتتار، دوكتورانتتار جينالعان. ولاردىڭ ءبىلىمدى ءارى باسەكەگە قابىلەتتى بولۋىنا بارلىق مۇمكىندىك قاراستىرىلعان. قارا شاڭىراقتان الار ءبىلىمىمىز، ۇيرەنەرىمىز كوپ.
ادەبي كەڭەسشى: تالعات بەكبولاتۇلى، ءال-فارابي اتىنداعى قازۇۋ-دىڭ وقىتۋشىسى، دوكتورانت
ورىنداعان: داۋلەتيار گۇلزاميرا، ءال-فارابي اتىنداعى قازۇۋ-دىڭ 2-كۋرس ستۋدەنتى
