2020 جىلدىڭ وتكەن 10 ايىندا توتەنشە جاعدايلار مينيسترلىگىنە قاراستى قۇتقارۋ، جەدەل جاردەم كورسەتۋ ۇيىمدارىمەن دە قىرۋار شارۋالار اتقارىلىپ، ءبىرشاما ادام ءومىرى قۇتقارىلعان ەكەن. بۇل تۋرالى «ادىرنا» ۇلتتىق پورتالى توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ حابارالايدى.
مىسالى، «اپاتتار مەديتسيناسى ورتالىعى» مەملەكەتتىك مەكەمەسى تاراپىنان 3 144 زارداپ شەككەنگە مەديتسينالىق كومەك كورسەتىلسە، 2 331 ادام قۇتقارىلىپ، 1 139 ادام ەۆاكۋاتسيالانعان.
اتالعان مەكەمە قىزمەتكەرلەرى 3 536 رەت شاقىرتۋلارعا بارعان، ونىڭ ىشىندە تراسسالىق مەديتسينالىق-قۇتقارۋ پۋنكتتەرى 896 شاقىرتۋعا بارىپ، 900 ادامدى ەۆاكۋاتسيالاعان، زارداپ شەككەن 1 708 جانعا مەديتسينالىق كومەك كورسەتىلدى.
ال، «قازاۆياقۇتقارۋ» اكتسيونەرلىك قوعامىنىڭ قاراماعىنداعى قۇتقارۋشىلار بولسا، اۋە كەمەلەرى ىزدەۋ-قۇتقارۋ جۇمىستارىنا، ورتتەردى سوندىرۋگە قاتىسۋ، جەكە قۇرامدى جەتكىزۋگە جانە باسقا تاپسىرىستار بويىنشا
1 461 ۇشۋ ساعاتىن جاساعان، ونىڭ ىشىندە سانيتاريالىق اۆياتسيا باعىتى بويىنشا
442 رەت ۇشۋ جۇرگىزىلسە، 432 ادام تاسىمالدانعان.
«ءورت ءسوندىرۋشى» اكتسيونەرلىك قوعامى 25 ادامدى قۇتقارعان جانە ەۆاكۋاتسيالاعان، 551 رەت شاقىرتۋعا بارعان، سونىڭ ىشىندە 156 ءورت سوندىرۋگە ات سالىسسا، 36 مارتە اۆاريالىق-قۇتقارۋ جۇمىستارىن جۇرگىزگەن. ال،
359 جاعدايدا جانۋدى جويعان.
توتەنشە جاعداي كەزىندە قۇتقارۋشىلىق جۇمىستارىنان باسقا، سول توتەنشە جاعدايدىڭ الدىن – الۋ شارالارىنا دا، وقىس وقيعالار بولماس ءۇشىن تەكسەرۋ جۇرگىزۋگە دە، ەسكەرتۋ جۇمىستارىن اتقارۋعا دا توتەنشەلىكتەر ۋاقىت پەن كۇش تابادى.
باقىلاۋ-پروفيلاكتيكالىق قىزمەت شەڭبەرىندە نىسانداردىڭ ورتكە قارسى جاي-كۇيىنە 17 552 تەكسەرىس جۇرگىزىلسە، 56 129 بۇزۋشىلىق انىقتالعان، 10 915 ادام اكىمشىلىك جاۋاپكەرشىلىككە تارتىلعان، سونىڭ ىشىندە 2 144 لاۋازىمدى تۇلعاعا 92,1 ملن. تەڭگە سوماسىندا ايىپپۇل سالىنعان.
ونەركاسىپتىك قاۋىپسىزدىك سالاسىنداعى مەملەكەتتىك قاداعالاۋدى جۇزەگە اسىرۋ شەڭبەرىندە 2020 جىلدىڭ ون ايىندا ەرەكشە ءتارتىپ بويىنشا 761 جانە جوسپاردان تىس 440 تەكسەرۋ جۇرگىزىلگەن. تەكسەرۋ قورىتىندىسى بويىنشا 21 951 بۇزۋشىلىق انىقتالىپ، 234 وبەكتى جانە 1 سۋبەكتى توقتاتىلدى، 100 ملن. تەڭگەدەن استام سوماعا 852 اكىمشىلىك ايىپپۇل سالىنعان.
مەملەكەت باسشىسىنىڭ بيزنەسكە قىسىمدى تومەندەتۋ بويىنشا تاپسىرماسىن ىسكە اسىرۋ ماقساتىندا ءورت قاۋىپسىزدىگى سالاسىندا باقىلاۋ تەك جوعارى تاۋەكەل دارەجەسىندەگى وبەكتىلەرگە قاتىستى ەنگىزىلگەندىگىن جانە ەرەكشە تارتىپتە وتكىزىلەتىندىگىن ەسكەرسەك، بۇل كورسەتكىشتەر الدەقايدا كوپ بولۋى مۇمكىن.
دەگەنمەن، تەكسەرىس ءۇشىن ەمەس، توتەنشەلىكتەر ءۇشىن ەمەس، ءوزىمىز ءۇشىن قاۋىپسىزدىك شارالارىن قاتاڭ ۇستانعانىمىز ابزال.
ەركە جومارت،
«ادىرنا» ۇلتتىق پورتالى
