ءبىزدىڭ ماماندار Airbus كومپانياسىنىڭ شاقىرتۋى بويىنشا دايارلىقتان وتەدى

1575
Adyrna.kz Telegram

قازاقستاندا عارىش سالاسى دامۋ ساتىسىندا بولعاندىقتان، بىلىكتى ماماندار جەتىسپەي جاتاتىندىعى زاڭدىلىق. وسى ولقىلىقتىڭ ورنىن تولتىرۋ ءۇشىن كادرلاردى وزگە ەلدەرگە دايارلىققا جونەلتىپ وتىرادى.

سوڭعى جىلدارى "پروتون-م" سياقتى رەسەيلىك تاسىعىشتىڭ جۇمىسى ءبىزدىڭ ماماندارمەن تىعىز بايلانىستا اتقارىلدى، 100-گە جۋىق قازاقستاندىق تەحنيكالىق كەشەندە جانە باستاپقى كەشەندە جۇمىس ىستەدى. ولار ءتيىستى وقىتۋدان، سەرتيفيكاتتاۋدان وتكەن. بايقوڭىر عارىش ايلاعىنىڭ وڭ قاپتالىندا "زەنيت-م"كەشەنى ورنالاسقان. ول قازىرگى ۋاقىتتا  قازاقستانعا تيەسىلى جانە "بايتەرەك"  بىرلەسكەن كاسىپورنىنىڭ باسقارۋىندا. كەشەن قۇرامىنا شامامەن 243 وبەكت كىرەدى جانە وندا 200-دەن از ادام جۇمىس ىستەيدى. ءبىزدىڭ بارلىق ماماندارىمىز رەسەيدىڭ جەرۇستى عارىش ينفراقۇرىلىمىن پايدالانۋ ورتالىعىندا دايىندىقتان ءوتىپ، وندا بارلىق قاجەتتى بىلىكتىلىكتەردى يگەردى.

بايقوڭىردان تىس باسقا وبەكتىلەرگە كەلەتىن بولساق، وندا ماماندار ۇلىبريتانيا مەن فرانتسياداعى Airbus كومپانياسىنىڭ شاقىرۋى بويىنشا دايارلاندى. ونداعى دايارلىقتان وتكەن  جاس ماماندار  گيلفورد پەن تۋلۋزانىڭ ۇقساس كاسىپورىندارىندا جاقسى دايىندىققا قول جەتكىزدى. سونداي-اق بىزدە KazSat سپۋتنيكتەرىمەن اينالىساتىن رەسپۋبليكالىق عارىشتىق بايلانىس ورتالىعى سياقتى كاسىپورىن بار ەكەنى بەلگىلى. ونداعى  ماماندار دا  بىلىكتى ءارى جاس. مەنىڭ ويىمشا، ماسەلە مامانداردى جۇكتەۋدە، قىزمەتتىڭ جاڭا سالالارىندا تۇر، ال ءبىزدىڭ الەۋەتىمىزگە كەلەتىن بولساق، بۇل قالىپتى جاعداي.

ءبىر قۋانتارلىق جاعداي ول عارىش سالاسىندا جۇرگەن ينجەنەرلىك كادرلار سوڭعى جىلدارى باسەكەگە قابىلەتتى بولىپ وسۋدە. ولاردىڭ سانى ءبىر جارىم مىڭعا جۋىق بولسا دا، ولار  جاقسى دايىندىقتان وتكەن ماماندار.
كەز — كەلگەن ەلدە كوسموناۆتيكا ماماندارى-ۇلت ەليتاسى دەۋگە بولادى.

 

 

ەركە جومارت،

«ادىرنا» ۇلتتىق پورتالى

 

پىكىرلەر