Qazaqstanda ǵarysh salasy damý satysynda bolǵandyqtan, bilikti mamandar jetispeı jatatyndyǵy zańdylyq. Osy olqylyqtyń ornyn toltyrý úshin kadrlardy ózge elderge daıarlyqqa jóneltip otyrady.
Sońǵy jyldary "Proton-M" sııaqty reseılik tasyǵyshtyń jumysy bizdiń mamandarmen tyǵyz baılanysta atqaryldy, 100-ge jýyq qazaqstandyq tehnıkalyq keshende jáne bastapqy keshende jumys istedi. Olar tıisti oqytýdan, sertıfıkattaýdan ótken. Baıqońyr ǵarysh aılaǵynyń oń qaptalynda "Zenıt-M"kesheni ornalasqan. Ol qazirgi ýaqytta Qazaqstanǵa tıesili jáne "Báıterek" birlesken kásipornynyń basqarýynda. Keshen quramyna shamamen 243 obekt kiredi jáne onda 200-den az adam jumys isteıdi. Bizdiń barlyq mamandarymyz Reseıdiń Jerústi ǵarysh ınfraqurylymyn paıdalaný ortalyǵynda daıyndyqtan ótip, onda barlyq qajetti biliktilikterdi ıgerdi.
Baıqońyrdan tys basqa obektilerge keletin bolsaq, onda mamandar Ulybrıtanııa men Franııadaǵy Airbus kompanııasynyń shaqyrýy boıynsha daıarlandy. Ondaǵy daıarlyqtan ótken jas mamandar Gılford pen Týlýzanyń uqsas kásiporyndarynda jaqsy daıyndyqqa qol jetkizdi. Sondaı-aq bizde KazSat spýtnıkterimen aınalysatyn Respýblıkalyq ǵaryshtyq baılanys ortalyǵy sııaqty kásiporyn bar ekeni belgili. Ondaǵy mamandar da bilikti ári jas. Meniń oıymsha, másele mamandardy júkteýde, qyzmettiń jańa salalarynda tur, al bizdiń áleýetimizge keletin bolsaq, bul qalypty jaǵdaı.
Bir qýantarlyq jaǵdaı ol ǵarysh salasynda júrgen ınjenerlik kadrlar sońǵy jyldary básekege qabiletti bolyp ósýde. Olardyń sany bir jarym myńǵa jýyq bolsa da, olar jaqsy daıyndyqtan ótken mamandar.
Kez — kelgen elde kosmonavtıka mamandary-ult elıtasy deýge bolady.
Erke Jomart,
«Adyrna» ulttyq portaly
