«زەردەلىدە» ۇبت جايلى تىكەلەي ەفير ءوتتى

2131
Adyrna.kz Telegram

«زەردەلى» اقىل-وي دامىتۋ ورتالىعىنىڭ ستۋدياسىندا ورتالىقتىڭ «وتانداستار» قورىمەن بىرلەسكەن جوباسى اياسىندا شەتەلدەگى قانداستارعا ارنالعان كەزەكتى ەفير ءوتتى.

وسىعان دەيىن حابارلاعانىمىزداي، «زەردەلىنىڭ» ستۋدياسىندا شەتەلدەگى قازاق باۋىرلارىمىزعا ارنالعان «ونلاين كلاسس» جوباسى وتكىزىلىپ كەلەدى.

كەزەكتى تىكەلەي ەفيرگە ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ، «وتانداستار» قورىنىڭ ءبىلىم باعىتى بويىنشا جاۋاپتى قىزمەتكەرى نۇرىمجان جۇماعازيەۆ جانە «زەردەلى» اقىل-وي دامىتۋ ورتالىعىنىڭ ديرەكتورى ىرىسبەك ءماۋىت قاتىسىپ، قانداستارعا قازاقستاندا ءبىلىم الۋ مۇمكىندىكتەرى جايلى اقپارات بەردى.

ەفير بارىسىندا ديدار سماعۇلوۆ قانداستارعا ۇبت-نىڭ سوڭعى جاڭالىقتارىن ەگجەي-تەگجەيلى ءتۇسىندىردى. ءوز كەزەگىندە نۇرىمجان جۇماعازيەۆ قانداستاردىڭ قازاقستاندا ءبىلىم الۋعا قاجەتتى تالاپتار جايلى بايانداپ، ءتيىستى مۇمكىندىكتەرمەن تانىستىردى. ال، «زەردەلى» اقىل-وي دامىتۋ ورتالىعىنىڭ ديرەكتورى ىرىسبەك ءماۋىت ورتالىقتىڭ شەتەلدەگى قانداستاردىڭ ۇبت دايىندالۋىنا ءتيىستى قولداۋ كورسەتەتىنىن جەتكىزدى.

تىكەلەي ەفير «وتانداستار» قورىنىڭ يۋتۋب كانالى ارقىلى Astana hub كەشەنىنىندە ورنالاسقان زاماناۋي ستۋديادا وتكىزىلدى.

ەفير سوڭىندا ءۇش تاراپ شەتەلدەگى قازاق جاستارىنىڭ ەلدە ءبىلىم الۋى تۋراسىندا ويلارىمەن ءبولىسىپ، ءوزارا پىكىر الماستىردى.

پىكىرلەر