«Zerdeli» aqyl-oı damytý ortalyǵynyń stýdııasynda ortalyqtyń «Otandastar» qorymen birlesken jobasy aıasynda sheteldegi qandastarǵa arnalǵan kezekti efır ótti.
Osyǵan deıin habarlaǵanymyzdaı, «Zerdeliniń» stýdııasynda sheteldegi qazaq baýyrlarymyzǵa arnalǵan «Onlaın klass» jobasy ótkizilip keledi.
Kezekti tikeleı efırge Ulttyq testileý ortalyǵynyń dırektory Dıdar Smaǵulov, «Otandastar» qorynyń Bilim baǵyty boıynsha jaýapty qyzmetkeri Nurymjan Jumaǵazıev jáne «Zerdeli» aqyl-oı damytý ortalyǵynyń dırektory Yrysbek Máýit qatysyp, qandastarǵa Qazaqstanda bilim alý múmkindikteri jaıly aqparat berdi.
Efır barysynda Dıdar Smaǵulov qandastarǵa UBT-nyń sońǵy jańalyqtaryn egjeı-tegjeıli túsindirdi. Óz kezeginde Nurymjan Jumaǵazıev qandastardyń Qazaqstanda bilim alýǵa qajetti talaptar jaıly baıandap, tıisti múmkindiktermen tanystyrdy. Al, «Zerdeli» aqyl-oı damytý ortalyǵynyń dırektory Yrysbek Máýit ortalyqtyń sheteldegi qandastardyń UBT daıyndalýyna tıisti qoldaý kórsetetinin jetkizdi.
Tikeleı efır «Otandastar» qorynyń ıýtýb kanaly arqyly Astana hub keshenininde ornalasqan zamanaýı stýdııada ótkizildi.
Efır sońynda úsh tarap sheteldegi qazaq jastarynyń elde bilim alýy týrasynda oılarymen bólisip, ózara pikir almastyrdy.
