قىتايدا ءبىر ميلليونعا جۋىق ادامعا كوروناۆيرۋسقا قارسى ەكپە ەگىلدى. ولارعا شۇعىل جاعدايدا قودانۋعا رۇقسات ەتىلگەن سNBG كومپانياسىنىڭ ۆاكتسيناسى سالىندى، دەپ حابارلايدى «ادىرنا» ۇلتتىق پورتالى «حابار 24»-كە سىلتەمە جاساپ.
عالىمدار ەكى ۆاكتسينا جاساپ شىعارعان. ولاردىڭ كلينيكالىق سىناعىنىڭ ءۇشىنشى كەزەڭى ءالى اياقتالعان جوق. تاجىريبە بىرىككەن اراب امىرلىكتەرى، باحرەين، ارگەنتينا جانە پەرۋدە جۇرگىزىلىپ جاتىر. شاراعا 50 مىڭنان استام ادام قاتىسۋدا. كومپانيانىڭ مالىمدەۋىنشە، الدىن الا ناتيجەلەر ۆاكتسينانىڭ قاۋىپسىز ەكەنىن كورسەتىپ وتىر.
«مەن ىندەتپەن كۇرەستە ەكپەگە كوپ ءۇمىت ارتامىن. اقش پەن گەرمانيادا ەكى ۆاكتسينانىڭ تيىمدىلىگى 90%-تەن اسقانى حابارلاندى. ال قىتاي پرەپاراتتارىنا كەلەتىن بولساق، ولار شەتەلدە كلينيكالىق سىناقتاردان ءوتىپ جاتىر. مەن باقىلاۋ كوميسسياسىن باسقارامىن. بىزدە سىناققا قاتىسۋشىلارعا قاجەتتى زەرتتەۋلەر جۇرگىزىلىپ جاتىر. تاجىريبەلەرگە قاتىستى قورىتىندالار جۋىق ارادا شىعادى دەپ سەنەمىن»،-دەدى پروفەسسور ۆان گۋيتسيان.
«ادىرنا» ۇلتتىق پورتالى
