ساعىنتاەۆتىڭ كۇيەۋ بالاسى سوتتالدى

4061

الماتى سوتى بۇرىنعى بانكير جومارت ەرتاەۆتى كىنالى دەپ تانىپ، Bank RBK-دان 144 ميلليارد تەڭگە (329,5 مىڭ دوللار) جىمقىردى دەگەن ءىس بويىنشا 11 جىلعا باس بوستاندىعىنان ايىردى، دەپ حابارلايدى «ادىرنا» ۇلتتىق پورتالى Tengrinews-كە سىلتەمە جاساپ. جومارت ەرتاەۆپەن بىرگە باقىتجان ساعىنتاەۆتىڭ كۇيەۋ بالاسى ­–  باقىت يبراگيم دە سوتتالدى.

پروكۋرور ەرتاەۆتى 11 جىلعا باس بوستاندىعىنان ايىرۋدى سۇرادى. مەملەكەتتىك ايىپتاۋ ونىڭ كىنالى دەپ، قىلمىستىق ءىستى تەرگەۋگە ۇلەس قوسقانىن، كەلتىرىلگەن زياندى ءىشىنارا وتەگەنىن، سونىمەن قاتار كامەلەتكە تولماعان بالالاردىڭ اكەسى ەكەنىن ەسكەردى.

بۇل ءىس بويىنشا سوت ءىسى 2019 جىلدىڭ جەلتوقسانىندا باستالعان. بارلىعى – 37 ادام ۇستالعان. كەيىندەۋ ولاردىڭ بىرەۋى قايتىس بولعان. تەرگەۋ مالىمەتتەرى بويىنشا، قىلمىس 2011 جىلدان 2017 جىلعا دەيىن جاسالعان. بۇعان دەيىن حابارلانعانداي، كوپتەگەن سوتتالۋشىلاردىڭ ايىپتاۋدا بوتەننىڭ مۇلكىن زاڭسىز يەمدەنۋ جانە بەرۋ كوپە-كورىنەۋ قايتىمسىز نەسيە بەرىلگەنى انىقتالعان. بانككە كەلتىرىلگەن شىعىن 143,3 ملرد تەڭگەگە باعالاندى.

ءىستىڭ نەگىزگى فيگۋرانتى جومارت ەرتاەۆ دەپ اتالدى. ەرتاەۆتىڭ ءوزى بۇل بانكتە ەشقاشان جۇمىس ىستەمەگەن دەپ مالىمدەدى. ول 2018 جىلدىڭ قاراشا ايىندا ماسكەۋدە ۇستالىپ، قاماۋعا الىندى. ول سونداي-اق بوسقىن مارتەبەسىنەن ايىرىلدى. ۇستالعاننان كەيىن ءبىر ايعا جۋىق ۋاقىت وتكەن سوڭ رەسەيدىڭ باس پروكۋراتۋراسى بيزنەسمەندى قازاقستانعا بەرۋ تۋرالى شەشىم قابىلدادى. قازاقستانعا ەكستراديتسيالاۋدان كەيىن جومارت ەرتاەۆ 15 ناۋرىزدان باستاپ قاماۋدا بولدى.

ازاتتىق راديوسىنىڭ قازاق قىزمەتى بۇعان دەيىن حابارلاعانداي, سوتتالۋشىلاردىڭ اراسىندا بۇرىنعى پرەمەر-مينيستر جانە پرەزيدەنت اكىمشىلىگىنىڭ ەكس-باسشىسى، قازىرگى الماتى قالاسىنىڭ اكىمى باقىتجان ساعىنتاەۆتىڭ كۇيەۋ بالاسى، ەكس-بانكير باقىت يبراگيم بار. 2018 جىلدىڭ ماۋسىم ايىندا باس پروكۋراتۋرا Qazaq Banki-ءنىڭ تەڭ يەسى يبراگيمدى Bank RBK قاراجاتىنىڭ «الدىن الا ءسوز بايلاسۋىمەن ادامداردى الداۋ جولىمەن ۇرلىق جاسادى» دەگەن كۇدىكپەن گەرمانيادان ەكستراديتسيالانعانى تۋرالى اقپارات جاريالادى. Malim.kz-ءتىڭ دەرەگىنشە، Qazaq Banki-ءنىڭ بۇرىنعى اكتسيونەرى باقىت يبراگيم 8 جىلعا باس بوستاندىعىنان ايىرىلعان. سونىمەن قاتار دۇنيە-مۇلكى تاركىلەنىپ، بانك، قارجى سااسىنا 10 جىلعا دەيىن ارالاسا المايتىن بولدى.

فوتو اشىق دەرەككوزدەن الىندى

«ادىرنا» ۇلتتىق پورتالى

 

پىكىرلەر
رەداكتسيا تاڭداۋى