بەكبولات تىلەۋحان حالىقارالىق ۇيىمنىڭ كوميتەت توراعاسى بولىپ سايلاندى.
قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، قازاقستان رەسپۋبليكاسى ۇلتتىق سپورت قاۋىمداستىعىنىڭ پرەزيدەنتى بەكبولات تىلەۋحان 2020 جىلعى 12 قاراشا كۇنى بۇكىلالەمدىك ەتنوسپورت كونفەدەراتسياسىنىڭ پرەزيدەنتى نەدجمەددين بيلال ەردوگاننىڭ توراعالىعىمەن وتكەن وتىرىستا (ونلاين فورماتتا) بۇكىلالەمدىك ەتنوسپورت كونفەدەراتسياسى جانىنان قۇرىلعان ورتا-ازيالىق كوميتەتتىڭ تۇڭعىش توراعاسى بولىپ سايلاندى. كوميتەت قۇرامىنا ءداستۇرلى سپورت تۇرلەرى مەن ويىنداردى دامىتۋ، ناسيحاتتاۋ جانە ودان ارى ىلگەرىلەتۋدى كوزدەگەن ازيا قۇرلىعىنىڭ 10 مەملەكەتى ەنىپ وتىر.
قازاقستان رەسپۋبليكاسى ۇلتتىق سپورت قاۋىمداستىعى قازاقستان رەسپۋبليكاسىندا ۇلتتىق سپورت تۇرلەرى – كوكپار، اۋدارىسپاق، جامبى اتۋ، تەڭگە ءىلۋ، بايگە تۇرلەرى، قۇسبەگىلىك، ءداستۇرلى ساداق اتۋدى دامىتۋ، ناسيحاتتاۋ جانە ىلگەرىلەتۋدى جۇزەگە اسىراتىن زاڭدى نەگىزدەگى اككرەديتتەلگەن جالعىز ۇيىم بولىپ تابىلادى.
