سەمەيدە مەديتسينالىق ۋنيۆەرسيتەتتىڭ ستۋدەنتى ءوزىن ءدارى-دارمەك جەتكىزۋشىسى رەتىندە تانىستىرىپ، كاسىپكەرلەردى ءىرى سوماعا الداپ كەتكەن، - دەپ حابارلايدى «ادىرنا» ۇلتتىق پورتالى Tengrinews.kz.-كە سىلتەمە جاساپ.
مەديتسينالىق ۋنيۆەرسيتەتتىڭ 21 جاستاعى 4-كۋرس ستۋدەنتىنە قاتىستى ءىس №2 قالالىق سوتتا قارالعان.
«ستۋدەنت تابىستى كاسىپكەردىڭ بەينەسىن جاساعان. ول كەيبىر ادامدارعا قالاعا ءدارى-دارمەك جەتكىزۋمەن اينالىساتىندىعىن، ال باسقالارىنا ۇيالى تەلەفون جەتكىزەدىتىندىگىن ايتىپ سەندىرگەن. جاس جىگىت ءوز بيزنەسىنە 100 پايىزعا دەيىن اقشا سالۋدى ۇسىنعان. العاشىندا ادامدار وعان ساقتىقپەن جۇگىنىپ كورگەن. ۋاقىت وتە ول تاباندىلىعىمەن وزىنە سەندىرە العان. الدىمەن كاسىپكەرلەر وعان شاعىن سومالار بەرىپ كورگەن. 7-10 كۇن وتكەن سوڭ ول اقشانى پروتسەنتىمەن قايتارىپ بەرىپ وتىرعان. ادامدارعا بۇل ۇناعان. كەلەسى جولى بۇدان كوبىرەك سومانى بەرگەن»، - دەيدى سۋديا نۇرلان نۇرالينوۆ.
العان اقشاسى 1 ميلليون تەڭگەدەن اسقاندا، جالعان كاسىپكەر اقشانى قايتارۋدى دا توقتاتقان. ونىڭ الاياقتىعىنان 13-تەن استام جابىرلەنۋشى قالا تۇرعىنى زارداپ شەككەن. جالپى شىعىن 190 ميلليوننان استام تەڭگەنى قۇرادى. ايىپتالۋشى قىلمىسىن مويىنداپ، بىراق اقشانى ەشكىمگە قايتارماعان. سوت 21 جاستاعى ستۋدەنتتى 6 جىل 8 ايعا باس بوستاندىعىنان ايىردى، ۇكىم زاڭدى كۇشىنە ەندى.
فوتو اشىق دەرەككوزدەن الىندى
«ادىرنا» ۇلتتىق پورتالى
