Semeıde medıınalyq ýnıversıtettiń stýdenti ózin dári-dármek jetkizýshisi retinde tanystyryp, kásipkerlerdi iri somaǵa aldap ketken, - dep habarlaıdy «Adyrna» ulttyq portaly Tengrinews.kz.-ke silteme jasap.
Medıınalyq ýnıversıtettiń 21 jastaǵy 4-kýrs stýdentine qatysty is №2 qalalyq sotta qaralǵan.
«Stýdent tabysty kásipkerdiń beınesin jasaǵan. Ol keıbir adamdarǵa qalaǵa dári-dármek jetkizýmen aınalysatyndyǵyn, al basqalaryna uıaly telefon jetkizeditindigin aıtyp sendirgen. Jas jigit óz bıznesine 100 paıyzǵa deıin aqsha salýdy usynǵan. Alǵashynda adamdar oǵan saqtyqpen júginip kórgen. Ýaqyt óte ol tabandylyǵymen ózine sendire alǵan. Aldymen kásipkerler oǵan shaǵyn somalar berip kórgen. 7-10 kún ótken soń ol aqshany proentimen qaıtaryp berip otyrǵan. Adamdarǵa bul unaǵan. Kelesi joly budan kóbirek somany bergen», - deıdi sýdıa Nurlan Nuralınov.
Alǵan aqshasy 1 mıllıon teńgeden asqanda, jalǵan kásipker aqshany qaıtarýdy da toqtatqan. Onyń alaıaqtyǵynan 13-ten astam jábirlenýshi qala turǵyny zardap shekken. Jalpy shyǵyn 190 mıllıonnan astam teńgeni qurady. Aıyptalýshy qylmysyn moıyndap, biraq aqshany eshkimge qaıtarmaǵan. Sot 21 jastaǵy stýdentti 6 jyl 8 aıǵa bas bostandyǵynan aıyrdy, úkim zańdy kúshine endi.
Foto ashyq derekkózden alyndy
«Adyrna» ulttyq portaly
