شىمكەنت قالاسىنىڭ ەڭبەكشى اۋدانىندا بيىل 564 جاڭا جۇمىس ورنى قۇرىلعان.
بۇل تۋرالى شىمكەنت قالاسىنىڭ اكىمى مۇرات ايتەنوۆكە 9 ايدا اتقارىلعان جۇمىستار جونىندە ەسەپ بەرگەن ەڭبەكشى اۋدانىنىڭ اكىمى عالىمجان يلياسوۆ باياندادى.
بۇل جىلى اۋداننىڭ ينفراقۇرىلىمىن جانە كاسىپكەرلىك باعىتىن دامىتۋعا جالپى 30,5 ملرد تەڭگە كولەمىندە ينۆەستيتسيا تارتىلىپ وتىر. ونىڭ ىشىندە، بيۋدجەتتىك قارجىنىڭ كولەمى – 3 ملرد 794 ملن تەڭگەنى قۇراسا، مەنشىكتى قاراجات ەسەبىنەن – 16 ملرد 566 ملن تەڭگەنى قۇرايدى، ال بانك كرەديتتەرى مەن قارىز قاراجاتى – 10 ملرد 139 ملن تەڭگە بولعان.
سونداي-اق، ەڭبەكشى اۋدانى اۋماعىندا 19 147 كاسىپكەرلىك سۋبەكتىسى تىركەلگەن. ونىڭ 27-ءسى ءىرى، 116 ورتا، 5 861 شاعىن جانە 13 143 ۇساق كاسىپكەرلىك نىساندار. اۋدان اكىمىنىڭ ايتۋىنشا، ولاردان جەرگىلىكتى بيۋدجەتكە بيىل 9 ايدا 55 ملرد 687 ملن تەڭگە سالىق جينالىپ، وتكەن جىلدىڭ ءتيىستى كەزەڭىمەن سالىستىرعاندا 54 % ارتقان.
شىمكەنت قالاسى اكىمىنىڭ ءباسپاسوز قىزمەتى
