شىمكەنت قالاسىنىڭ اكىمى مۇرات ايتەنوۆ ەڭبەكشى اۋدانى ەلتاي ەلدى مەكەنىندە ورىن العان توتەنشە جاعدايلاردىڭ بولدىرماۋ ماقساتىندا جۇرگىزىلىپ جاتقان قۇرىلىستىڭ بارىسىمەن تانىستى.
بۇگىندە تاسقىن سۋدىڭ الدىن الۋ بويىنشا ەلدى مەكەن شەتىندەگى سايلارعا، ياعني، قاۋپى جوعارى دەگەن ون جەرگە بوگەت ورناتىلۋدا. ولاردىڭ كولەمى 20ح8, 25ح10 جانە 30ح10. سۋ جيناعىشتارىنىڭ جالپى سىيىمدىلىعى 200 مىڭ م3 قۇرايدى. مەردىگەر مەكەمە «وتار-قۇرىلىس» جشس-گى. قۇرىلىس مەكەمەسى جۇمىستاردى جەلتوقسان ايىندا اياقتاۋدى جوسپارلاپ وتىر.
سونىمەن قاتار، مۇندا اۋىلدىڭ ورتاسىنان وتەتىن تەرەڭدىگى 1,5 مەتردى قۇرايتىن ارىقتى تازالاۋ جۇمىستارى جۇرگىزىلسە، جاياۋ جۇرگىنشىلەرگە ارنالعان دوڭعالاق بەتوندى كوپىردىڭ قۇرىلىس جۇمىستارى اياقتالۋعا جاقىن. كوپىردىڭ ۇزىندىعى 9 مەتر، جالپى كولەمى 100 مەتر.
مۇرات ايتەنوۆ جۇمىستىڭ ساپاسىنا باسا ءمان بەرۋدى ايتىپ، سۋ تاسقىنىنىڭ الدىن الۋ بويىنشا سالالىق باسقارمالار مەن اۋدان اكىمدەرىنە بىرقاتار ناقتى تاپسىرما بەردى.
شىمكەنت قالاسى اكىمىنىڭ ءباسپاسوز قىزمەتى
