Shymkent qalasynyń ákimi Murat Áıtenov Eńbekshi aýdany Eltaı eldi mekeninde oryn alǵan tótenshe jaǵdaılardyń boldyrmaý maqsatynda júrgizilip jatqan qurylystyń barysymen tanysty.
Búginde tasqyn sýdyń aldyn alý boıynsha eldi meken shetindegi saılarǵa, ıaǵnı, qaýpi joǵary degen on jerge bóget ornatylýda. Olardyń kólemi 20h8, 25h10 jáne 30h10. Sý jınaǵyshtarynyń jalpy syıymdylyǵy 200 myń m3 quraıdy. Merdiger mekeme «Otar-qurylys» JShS-gi. Qurylys mekemesi jumystardy jeltoqsan aıynda aıaqtaýdy josparlap otyr.
Sonymen qatar, munda aýyldyń ortasynan ótetin tereńdigi 1,5 metrdi quraıtyn aryqty tazalaý jumystary júrgizilse, jaıaý júrginshilerge arnalǵan dońǵalaq betondy kópirdiń qurylys jumystary aıaqtalýǵa jaqyn. Kópirdiń uzyndyǵy 9 metr, jalpy kólemi 100 metr.
Murat Áıtenov jumystyń sapasyna basa mán berýdi aıtyp, sý tasqynynyń aldyn alý boıynsha salalyq basqarmalar men aýdan ákimderine birqatar naqty tapsyrma berdi.
Shymkent qalasy ákiminiń baspasóz qyzmeti
