«قازگيدرومەت» رمك 31 قازان كۇنى ەلىمىزدىڭ بىرنەشە قالاسىندا قالىپتاساتىن مەتەورولوگيالىق احۋال تۋرالى ايتتى، دەپ حابارلايدى «ادىرنا» ۇلتتىق پورتالى قازاقپارات-قا سىلتەمە جاساپ.
سينوپتيكتەردىڭ مالىمەتىنشە، بۇگىن شىمكەنت جانە نۇر-سۇلتان قالالارىندا، سونداي-اق قاراعاندى وبلىسىنىڭ بالقاش قالاسىندا اتموسفەرالىق اۋانىڭ قولايسىز مەتەورولوگيالىق جاعدايى كۇتىلەدى. وزگە شاھارلاردا اۋا ساپاسى نورما شەگىندە بولادى. قولايسىز مەتەورولوگيالىق جاعدايلار - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى. قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.
فوتو اشىق دەرەككوزدەن الىندى
«ادىرنا» ۇلتتىق پورتالى
