تۇركىستان وبلىسىنداعى كەنتاۋ قالاسىنان كونە باسسەين ورنى تابىلدى، دەپ حابارلايدى «ادىرنا» ۇلتتىق پورتالى «Astana TV» ارناسىنا سىلتەمە جاساپ.
ارحەولوگتار ەجەلگى سۋ ايدىنىن قارناق اۋىلىنداعى "شامات يشان" مەشىتىنىڭ اۋماعىن بارلاۋ كەزىندە كەزىكتىرگەن. جەرگە ويىلىپ جاسالعان جاساندى كولشىكتىڭ شەتى اينالا تاۋ تاستارىمەن بەكەمدەپ ءورىلىپتى. باسسەينگە كەلەتىن سۋ اتىزى دا ساقتالعان.
ماماندار تاريحي بۇل جەرلەردى زورواستريزم كەزەڭىنە جاتقىزىپ وتىر. وعان وسى ماڭنان تابىلعان كەراميكالار مەن تەڭگەلەردى دالەل قىلدى. پايىمداۋلارىنشا تابىلعان دۇنيەلەر VI-VIII جانە XIII-XIV عاسىرلارعا تيەسىلى. ارحەولاگتار مۇنداي ەرەكشە ورىن، بۇرىندارى بۇل توڭىرەكتى قالىڭ ءشوپ باسىپ جاتقاندىقتان كوزگە تۇسپەگەنىن العا تارتتى. زەرتتەۋ جۇمىسىنا كىرىسكەندەر باسسەينگە كەلەتىن ون شاقىرىمعا سوزىلعان جولداردىڭ دا سول كۇيى ساقتالعانىن ايتىپ وتىر.
«ادىرنا» ۇلتتىق پورتالى
