Túrkistan oblysyndaǵy Kentaý qalasynan kóne basseın orny tabyldy, dep habarlaıdy «Adyrna» ulttyq portaly «Astana TV» arnasyna silteme jasap.
Arheologtar ejelgi sý aıdynyn Qarnaq aýylyndaǵy "Shamat Ishan" meshitiniń aýmaǵyn barlaý kezinde keziktirgen. Jerge oıylyp jasalǵan jasandy kólshiktiń sheti aınala taý tastarymen bekemdep órilipti. Basseınge keletin sý atyzy da saqtalǵan.
Mamandar tarıhı bul jerlerdi zoroastrızm kezeńine jatqyzyp otyr. Oǵan osy mańnan tabylǵan keramıkalar men teńgelerdi dálel qyldy. Paıymdaýlarynsha tabylǵan dúnıeler VI-VIII jáne XIII-XIV ǵasyrlarǵa tıesili. Arheolagtar mundaı erekshe oryn, buryndary bul tóńirekti qalyń shóp basyp jatqandyqtan kózge túspegenin alǵa tartty. Zertteý jumysyna kiriskender basseınge keletin on shaqyrymǵa sozylǵan joldardyń da sol kúıi saqtalǵanyn aıtyp otyr.
«Adyrna» ulttyq portaly
