سولتۇستىك قازاقستان وبلىسى مەكەمەلەرگە ماعجان جۇماباەۆتىڭ، ەرمەك سەركەباەۆتىڭ، اقان سەرىنىڭ جانە قوجابەرگەن جىراۋدىڭ ەسىمدەرىمەن اتالاتىن بولدى. بۇل تۋرالى «قازاق راديولارى» جشس باس رەداكتورى - «قازاق راديوسى» راديوارناسىنىڭ ديرەكتورى دۋلات ابيبۋللاەۆ facebook پاراقشاسىندا جازدى، دەپ حابارلايدى "ادىرنا" ءتىلشىسى.
پەتروپاۆل قالاسىنداعى ونەر كوللەدجى ەرمەك سەركەباەۆتىڭ، وبلىستىق فيلورمونيا اقان سەرىنىڭ اتىمەن اتالاتىن بولدى. قازاقستان رەسپۋبليكاسى ۇكىمەتىنىڭ 2020 جىلعى 7 قازانداعى № 648 قاۋلىسىندا "سولتۇستىك قازاقستان وبلىسى اكىمدىگىنىڭ ءبىلىم باسقارماسى" كوممۋنالدىق مەملەكەتتىك مەكەمەسىنىڭ "ونەر كوللەدجى – مۋزىكالىق ەستەتيكالىق بەيىندەگى دارىندى بالالارعا مامانداندىرىلعان مەكتەپ-ينتەرنات" كەشەنى" كوممۋنالدىق مەملەكەتتىك مەكەمەسىنە ەرمەك سەركەباەۆتىڭ ەسىمى، "سولتۇستىك قازاقستان وبلىسىنىڭ اكىمدىگى مادەنيەت، ارحيۆتەر جانە قۇجاتتاما باسقارماسىنىڭ وبلىستىق فيلارمونياسى" كوممۋنالدىق مەملەكەتتىك قازىنالىق كاسىپورنىنا اقان سەرىنىڭ ەسىمى بەرىلسىن دەلىنگەن.
سونداي-اق ۇكىمەت قاۋلىسىندا سولتۇستىك قازاقستان وبلىسى ماعجان جۇماباەۆ اۋدانىنىڭ "№ 4 بۋلاەۆو ورتا مەكتەبى" كوممۋنالدىق مەملەكەتتىك مەكەمەسى سولتۇستىك قازاقستان وبلىسى "ماعجان جۇماباەۆ اۋدانىنىڭ ءبىلىم ءبولىمى" كوممۋنالدىق مەملەكەتتىك مەكەمەسىنىڭ "ماعجان جۇماباەۆ اتىنداعى ورتا مەكتەپ" كوممۋنالدىق مەملەكەتتىك مەكەمەسى، "سولتۇستىك قازاقستان وبلىسى جامبىل اۋدانىنىڭ ءبىلىم ءبولىمى" كوممۋنالدىق مەملەكەتتىك مەكەمەسىنىڭ "پرەسنوۆ جالپى ورتا ءبىلىم بەرۋ مەكتەبى" كوممۋنالدىق مەملەكەتتىك مەكەمەسى "سولتۇستىك قازاقستان وبلىسى جامبىل اۋدانىنىڭ ءبىلىم ءبولىمى" كوممۋنالدىق مەملەكەتتىك مەكەمەسىنىڭ "قوجابەرگەن جىراۋ اتىنداعى جالپى ءبىلىم بەرەتىن مەكتەپ" كوممۋنالدىق مەملەكەتتىك مەكەمەسى بولىپ قايتا اتالسىن دەلىنگەن. قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
ايتا كەتۋ كەرەك، بۇعان دەيىن قازاق راديوسى اقمولا وبلىسىنداعى ستەپنوگورسك قالاسىندا ن. وستروۆسكي اتىنداعى مەكتەپ ى. التىنسارين، م.گوركي اتىنداعى مەكتەپ ا.بايتۇرسىنۇلى، ا. گايدار اتىنداعى مەكتەپ ش. ءۋاليحانوۆ بولىپ وزگەرگەنىن حابارلاعان ەدى.
