SQO mekemelerge Jumabaevtyń, Serkebaevtyń, Aqan seriniń jáne Qojabergen jyraýdyń ataýyn berdi

3886
Adyrna.kz Telegram

Soltústik Qazaqstan oblysy  mekemelerge Maǵjan Jumabaevtyń, Ermek Serkebaevtyń, Aqan Seriniń jáne Qojabergen jyraýdyń esimderimen atalatyn boldy. Bul týraly «Qazaq radıolary» JShS Bas redaktory - «Qazaq radıosy» radıoarnasynyń dırektory Dýlat Abıbýllaev facebook paraqshasynda jazdy, dep habarlaıdy "Adyrna" tilshisi.

Petropavl qalasyndaǵy Óner kolledji Ermek Serkebaevtyń, oblystyq Fılormonııa Aqan Seriniń atymen atalatyn boldy. Qazaqstan Respýblıkasy Úkimetiniń 2020 jylǵy 7 qazandaǵy № 648 qaýlysynda "Soltústik Qazaqstan oblysy ákimdiginiń bilim basqarmasy" kommýnaldyq memlekettik mekemesiniń "Óner kolledji – mýzykalyq estetıkalyq beıindegi daryndy balalarǵa mamandandyrylǵan mektep-ınternat" kesheni" kommýnaldyq memlekettik mekemesine Ermek Serkebaevtyń esimi, "Soltústik Qazaqstan oblysynyń ákimdigi mádenıet, arhıvter jáne qujattama basqarmasynyń oblystyq fılarmonııasy" kommýnaldyq memlekettik qazynalyq kásipornyna Aqan seriniń esimi berilsin delingen.

Sondaı-aq Úkimet qaýlysynda Soltústik Qazaqstan oblysy Maǵjan Jumabaev aýdanynyń "№ 4 Býlaevo orta mektebi" kommýnaldyq memlekettik mekemesi Soltústik Qazaqstan oblysy "Maǵjan Jumabaev aýdanynyń bilim bólimi" kommýnaldyq memlekettik mekemesiniń "Maǵjan Jumabaev atyndaǵy orta mektep" kommýnaldyq memlekettik mekemesi, "Soltústik Qazaqstan oblysy Jambyl aýdanynyń bilim bólimi" kommýnaldyq memlekettik mekemesiniń "Presnov jalpy orta bilim berý mektebi" kommýnaldyq memlekettik mekemesi "Soltústik Qazaqstan oblysy Jambyl aýdanynyń bilim bólimi" kommýnaldyq memlekettik mekemesiniń "Qojabergen jyraý atyndaǵy jalpy bilim beretin mektep" kommýnaldyq memlekettik mekemesi bolyp qaıta atalsyn delingen. Qaýly alǵashqy resmı jarııalanǵan kúninen bastap qoldanysqa engiziledi.

Aıta ketý kerek, buǵan deıin Qazaq radıosy Aqmola oblysyndaǵy Stepnogorsk qalasynda N. Ostrovskıı atyndaǵy mektep Y. Altynsarın, M.Gorkıı atyndaǵy mektep A.Baıtursynuly, A. Gaıdar atyndaǵy mektep Sh. Ýálıhanov bolyp ózgergenin habarlaǵan edi.

Pikirler