SQO mekemelerge Jūmabaevtyŋ, Serkebaevtyŋ, Aqan serınıŋ jäne Qojabergen jyraudyŋ atauyn berdı

Soltüstık Qazaqstan oblysy  mekemelerge Maǧjan Jūmabaevtyŋ, Ermek Serkebaevtyŋ, Aqan Serınıŋ jäne Qojabergen jyraudyŋ esımderımen atalatyn boldy. Būl turaly «Qazaq radiolary» JŞS Bas redaktory - «Qazaq radiosy» radioarnasynyŋ direktory Dulat Abibullaev facebook paraqşasynda jazdy, dep habarlaidy "Adyrna" tılşısı. Petropavl qalasyndaǧy Öner kolledjı Ermek Serkebaevtyŋ, oblystyq Filormoniia Aqan Serınıŋ atymen atalatyn boldy. Qazaqstan Respublikasy Ükımetınıŋ 2020 jylǧy 7 qazandaǧy № 648 qaulysynda "Soltüstık Qazaqstan oblysy äkımdıgınıŋ bılım basqarmasy" kommunaldyq memlekettık mekemesınıŋ "Öner kolledjı – muzykalyq estetikalyq beiındegı daryndy balalarǧa mamandandyrylǧan mektep-internat" keşenı" kommunaldyq memlekettık mekemesıne Ermek Serkebaevtyŋ esımı, "Soltüstık Qazaqstan oblysynyŋ äkımdıgı mädeniet, arhivter jäne qūjattama basqarmasynyŋ oblystyq filarmoniiasy" kommunaldyq memlekettık qazynalyq käsıpornyna Aqan serınıŋ esımı berılsın delıngen. Sondai-aq Ükımet qaulysynda Soltüstık Qazaqstan oblysy Maǧjan Jūmabaev audanynyŋ "№ 4 Bulaevo orta mektebı" kommunaldyq memlekettık mekemesı Soltüstık Qazaqstan oblysy "Maǧjan Jūmabaev audanynyŋ bılım bölımı" kommunaldyq memlekettık mekemesınıŋ "Maǧjan Jūmabaev atyndaǧy orta mektep" kommunaldyq memlekettık mekemesı, "Soltüstık Qazaqstan oblysy Jambyl audanynyŋ bılım bölımı" kommunaldyq memlekettık mekemesınıŋ "Presnov jalpy orta bılım beru mektebı" kommunaldyq memlekettık mekemesı "Soltüstık Qazaqstan oblysy Jambyl audanynyŋ bılım bölımı" kommunaldyq memlekettık mekemesınıŋ "Qojabergen jyrau atyndaǧy jalpy bılım beretın mektep" kommunaldyq memlekettık mekemesı bolyp qaita atalsyn delıngen. Qauly alǧaşqy resmi jariialanǧan künınen bastap qoldanysqa engızıledı. Aita ketu kerek, būǧan deiın Qazaq radiosy Aqmola oblysyndaǧy Stepnogorsk qalasynda N. Ostrovskii atyndaǧy mektep Y. Altynsarin, M.Gorkii atyndaǧy mektep A.Baitūrsynūly, A. Gaidar atyndaǧy mektep Ş. Uälihanov bolyp özgergenın habarlaǧan edı.