كەشە سەنات سپيكەرى م.اشىمباەۆ م.تازابەكوۆتى قابىلداپ، حالىقتىڭ جايىن تالقىلاپ، “ەگەمەن ەلىمىزدە دىنارالىق تاتۋلىق پەن قوعامدىق كەلىسىمدى نىعايتۋعا، ۇلتتىق قۇندىلىقتارىمىزدى دارىپتەۋگە جانە حالقىمىزدىڭ بەرەكە-بىرلىگىن ارتتىرۋعا زور ۇلەس قوسىپ جۇرگەنى ءۇشىن مۇحامەدجان تازابەكتى العىس حاتپەن ماراپاتتاپتى”.
العىس حاتتىڭ مازمۇنىنا سۇيەنسەك، قازىر م.تازابەكوۆ كەم دەگەندە 3 سالادا زور ۇلەس قوسىپ ءجۇر ەكەن. ەموتسياسىز ارقايسىسىنا جەكە-جەكە توقتالىپ كورەيىك.
ءبىرىنشى — دىنارالىق تاتۋلىق پەن قوعامدىق كەلىسىمدى نىعايتۋعا قوسقان زور ۇلەسى. م.تازابەكتىڭ دىنارالىق تاتۋلىق پەن قوعامدىق كەلىسىمدى نىعايتۋعا قوسقان زور ۇلەسىن قالاي ولشەيمىز؟ ينستاگرامداعى اۋديتورياسى جانە پوستتارىنىڭ لايك سانىمەن بە؟ ء“Tالىم trend” اتتى ۋاعىزدار سەرياسىنىڭ تىنداۋشىلار سانىمەن بە؟ ن.نازارباەۆتى باسىنا كوتەرىپ ماقتايتىن سوزدەرى سانىمەن بە؟ شەن-شەكپەندىلەردىڭ قولىنان العان العىس حاتتارى جانە ولارمەن بىرگە تۇسكەن سۋرەتتەر سانىمەن بە؟
ەكىنشى — ۇلتتىق قۇندىلىقتارىمىزدى دارىپتەۋگە قوسقان زور ۇلەسى. راس، م.تازابەكوۆ پاتشاعا باعىنۋ مەن كوپ ايەل الۋدى ۋاعىزداۋمەن، سەكسولوگيامەن اينالىسقانعا دەيىن ايتىس اقىنى رەتىندە كوپشىلىكتىڭ ىقىلاسىنا بولەندى. سول ارقىلى ايتىستى ناسيحاتتاۋعا ۇلەس قوستى. سول كەزەڭدە مەملەكەتتەن تالاي سىي-سياپاتىن الدى. كەيىنگى جىلدارى تازابەكوۆتىڭ ايتىسقا قاتىسپايتىنىن، ايتىستىڭ نۇر وتاننىڭ پروپاگاندا پروەكتىسىنە اينالىپ كەتكەنىن ەسكەرسەك، وندا تازابەكوۆ ۇلتتىق قۇندىلىقتارىمىزدى دارىپتەۋگە قالاي ۇلەس قوسىپ ءجۇر؟ ونىڭ كەيىنگى ۋاقىتتاعى ءىس-ارەكەتى ۇلتتىق قۇندىلىقتاردى دارىپتەۋدەن گورى ۇلتتىق قۇندىلىقتاردى جامىلۋ ارقىلى ەل-جۇرتقا شۇكىر مەن توبانى ناسيحاتتاۋعا، رەجيمگە قىزمەت ەتۋگە، زومبيلەردىڭ سانىن ارتتىرۋعا كوبىرەك ۇقسايدى.
ءۇشىنشى — حالقىمىزدىڭ بەرەكە-بىرلىگىن ارتتىرۋعا قوسقان زور ۇلەسى. پوليتسەيلەردى بەيبىت ميتينگىگە شىققان قازاقستاندىقتاردىڭ قۇيىمشاعىنان تەۋىپ، “پريكازدى ورىنداۋعا” شاقىرىپ، اشىقتان اشىق ازاماتتارعا كۇش كورسەتۋگە ۇگىتتەيتىن ادامدى “حالقىمىزدىڭ بەرەكە-بىرلىگىن ارتتىرۋعا زور ۇلەس قوسىپ ءجۇر” دەپ قالاي ايتامىز؟ ال تازابەكوۆكە العىس حات بەرگەن م.اشىمباەۆ مىرزا باسقاشا ويلايتىن سياقتى.
ەسكە سالا كەتەيىن، قر كونستيتۋتسياسى بويىنشا م.اشىمباەۆ مەملەكەتتەگى №2 ادام. وسىعان دەيىن م.تازابەكوۆتى كونستيتۋتسيا بويىنشا ەلدەگى №3 ادام ن.نىعماتۋلين قابىلداعان. ەندى كونستيتۋتسيا بويىنشا ەلدەگى №1 ادام ق.توقاەۆ جانە قازاقستانداعى №01 ادام ن.نازارباەۆتىڭ تازابەكوۆتى قابىلداپ، العىس حات تابىستاۋى قالدى. تازابەكوۆ گەنەرال اعاسى قايرەكەڭنىڭ باتاسى مەن ب.تىلەۋحاننىڭ دۇعاسى ارقاسىندا ول كۇنگە دە جەتەر. ينشاللاح!
P.S. ساياساتتا تانىمال ادامداردىڭ كوپشىلىك الدىندا ءبىر-بىرىنە قولداۋ كورسەتۋى جايدان-جاي جاسالمايدى. ءبىر تۇلعانىڭ ەكىنشى تۇلعاعا اشىق قولداۋ ءبىلدىرۋى (endorsement) “مەن ونىڭ قۇندىلىقتارىن قولدايمىن، ونىڭ ويىمەن، ءىس-ارەكەتىمەن كەلىسەمىن” دەگەندى بىلدىرەدى. ماسەلەن، اقش-تا جاقىندا وتەتىن پرەزيدەنت سايلاۋى الدىندا رەسپۋبليكالىق پارتيانىڭ مۇشەسى بولعان مارقۇم دجون ماككەيننىڭ جەسىرى سيندي ماككەين جانە بىرنەشە رەسپۋبليكالىقتار ترامپتى ەمەس دەموكرات بايدەندى قولداپ شىقتى. بۇل — رەسپۋبليكالىقتار ءۇشىن دە، سايلاۋشىلار ءۇشىن دە ۇلكەن سيگنال.
ال اۆتوريتارلىق قازاقستاندا ساياساتكەرلەردىڭ م.تازابەكوۆ سەكىلدى پروپاگانديستەردى جەكە قابىلداپ، العىسىن ءبىلدىرىپ، اشىق قولداۋ كورسەتۋى “رەجيمگە جاساپ جۇرگەن ەڭبەگىڭدى باعالايمىن” دەگەنگە كەلەدى. بۇل — قوعام ءۇشىن قاۋىپتى سيگنال.
