المالى اۋدانىنىڭ جاستار رەسۋرستىق ورتالىعى بازاسىندا ءانشى، كومپوزيتور، قر جاستار وداعى مەملەكەتتىك سىيلىعىنىڭ لاۋرەاتى، قر ەڭبەك سىڭىرگەن ءارتىسى، قازاقستان كومپوزيتورلار وداعىنىڭ جانە "FIDOF"دۇنيەجۇزىلىك كومپوزيتورلار قاۋىمداستىعىنىڭ مۇشەسى مارات وماروۆپەن كەزدەسۋ ءوتتى.
كەزدەسۋدىڭ ماقساتى - تالانتتاردى ىزدەۋ، جاڭا شىعارمالار جازۋ جانە جاستار اراسىندا مۋزىكالىق شىعارماشىلىقتى ىلگەرىلەتۋ. موتيۆاتسيالىق كەزدەسۋ ءداستۇرلى اننەن باستالدى، جاستار اۆتورعا ءان ايتىپ، ءبىر-بىرىنە قوشەمەت كورسەتتى.
وسى كەزدەسۋدە مارات وماروۆ ءوزىنىڭ شىعارماشىلىق جولى، جاقىن ارادا، بولاشاقتا جۇزەگە اسىرعىسى كەلەتىن باعدارلامالارى تۋرالى ايتىپ بەردى. ول كاستينگتەر وتكىزۋدى، بالالار ءۇشىن پروديۋسەر بولۋدى، جاس تالانتتارعا قولداۋ كورسەتۋدى، شىعارماشىلىق بولاشاققا جول اشۋدى جوسپارلاپ وتىر. كومپوزيتور مەن جاس ورىنداۋشىلاردىڭ ماقساتى-شىعارماشىلىق الماسۋدى ۇيىمداستىرۋ جانە قازاقستاننىڭ تاريحى مەن مادەنيەتىن شەت ەلدەردە ناسيحاتتاۋ. بىرنەشە جىل بۇرىن مارات وماروۆ بىرقاتار ەلدەردىڭ جاستارىمەن وسىنداي كونتسەرتتىك كەزدەسۋلەر وتكىزگەن، وندا تۇرعىنداردى قازاقستاننىڭ سالت-داستۇرلەرىمەن، مادەنيەتىمەن جانە اۋەندەرىمەن تانىستىردى.
كەزدەسۋگە جاستار كەلىپ وزدەرىنىڭ ارماندارى مەن جوسپارلارى تۋرالى پىكىر الماستى. ولار قۇرمەتتى قايراتكەردى، ونىڭ يدەيالارىن قولدادى. جاستار كومپوزيتوردىڭ جوبالارى قالاي ىسكە اسىرىلعاندىعى جانە ەڭ باستىسى، ول وسىنداي حيتتەردى قالاي جاسايتىنى، يدەيالار قايدان شىققاندىعى تۋرالى سۇرعىنا جاۋاپ الدى. مارات وماروۆ حيتقا اينالعان "كوروناۆيرۋس، كەت، كەت، كەت" ءانىنىڭ شىعۋ تاريحى تۋرالى ايتىپ بەردى. سونىمەن قاتار "باقىتتى كۇندەر، كەل، كەل، كەل"اتتى جاڭا جاعىمدى، موتيۆاتسيالىق كومپوزيتسياسىن كوپشىلىك نازارىنا ۇسىندى.
وسىدان كەيىن بارلىعى جالپى شەڭبەرگە جينالىپ، حورمەن سۇيىكتى "اناشىم" ءانىن شىرقاپ، بەينەروليك ءتۇسىردى. سونداي-اق، جاستار رەسۋرستىق ورتالىعىنىڭ قىزمەتكەرىنىڭ تۋعان كۇنىنە وراي ءان تارتۋ ەتتى.
جىلى كەزدەسۋدىڭ سوڭىندا مارات وماروۆ ءسوز سويلەپ، بارلىعىنا ساتتىلىك پەن شىعارماشىلىق تابىس تىلەدى. ءوز كەزەگىندە بالالار قازاقستاندىق ورىنداۋشىعا وسى كەزدەسۋ ءۇشىن العىستارىن ءبىلدىردى.
گۇلۆيرا اسقارقىزى
"ادىرنا" ۇلتتىق پورتالى
