اۆستراليالىق عالىمدار كوروناۆيرۋس 20 گرادۋستىق تەمپەراتۋرادا ءبىر ايدان استام ۋاقىت بويى بانكنوت پەن سمارتفونداردا ءومىر سۇرە الادى دەگەن قورىتىندىعا كەلدى.
اۆستراليالىق اۋرۋلارعا دايىندىق ورتالىعى ماماندارىنىڭ ەكسپەريمەنتى ۆيرۋسولوگيا جۋرنالىندا سيپاتتالعان.
زەرتتەۋشىلەر كوروناۆيرۋستىڭ ءارتۇرلى تەمپەراتۋرادا ءار ءتۇرلى بەتتەردە قانشا ۋاقىت ءومىر سۇرەتىنىنە قىزىعۋشىلىق تانىتتى. 20 گرادۋس تسەلسيدە COVID-19 اينەكتە، ۆينيلدە، بانكنوتتاردا، سونىڭ ىشىندە پوليمەر ماتەريالدارىنان جانە توت باسپايتىن بولاتتا 28 كۇن ساقتالادى. تەمپەراتۋرا نەعۇرلىم جوعارى بولسا، ۆيرۋستىڭ «ءومىرى» سوعۇرلىم قىسقارادى: 30 گرادۋس كەزىندە ۇش اپتاعا دەيىن، 40 گرادۋستا بىرنەشە كۇن ساقتالدى.
سونىمەن قاتار، عالىمدار سمارتفونداردىڭ قاۋىپتىلىگى تۋرالى ەسكەرتتى: ويتكەنى ولاردىڭ بەتتەرى كەۋەكتى ەمەس ماتەريالداردان جاسالعان جانە پايدالانۋشىلار كوبىنەسە ولاردى دۇرىس وڭدەمەيدى، سوندىقتان ولار ينفەكتسيا كوزى بولۋى مۇمكىن.
"ادىرنا" ۇلتتىق پورتالى
