الماتىلىقتار ەكى مامانداندىرىلعان حقو-دا جۇرگىزۋشى كۋالىگىنە پراكتيكالىق ەمتيحان تاپسىرا الادى

471

بۇل №1 مامانداندىرىلعان حالىققا قىزمەت كورسەتۋ ورتالىعى (الاتاۋ اۋدانى، «سايالى» شاعىن اۋدان، اققاينار ك-ءسى، 1) جانە №6 مامانداندىرىلعان حقكو (جەتىسۋ اۋدانى، «كەمەل» شاعىن اۋدانى، اقسۋات كوشەسى، 118). ولاردىڭ اۋماعىندا بارلىق نورماتيۆتىك تالاپتارعا سايكەس كەلەتىن اۆتوماتتاندىرىلعان اۆتودرومدار جۇمىس ىستەيدى.

"ازاماتتارعا ارنالعان ۇكىمەت" مەملەكەتتىك كورپوراتسياسى" كەاق الماتى قالاسى بويىنشا فيليالىنىڭ حالىققا قىزمەت كورسەتۋ جونىندەگى №1 مامانداندىرىلعان ءبولىمىنىڭ اۆتودرومى 2013 جىلعى قاڭتاردان باستاپ جۇمىس ىستەيتىن، ال №6 مامانداندىرىلعان ءبولىمىنىڭ اۆتودرومى تاياۋدا عانا اشىلدى.

"اعىمداعى جىلدىڭ مامىر ايىنىڭ سوڭىندا 1000 ش.م. الاڭدا اۆتوماتتاندىرىلعان اۆتودروم اشىلىپ، وندا كولىك قۇرالىن باسقارۋ قۇقىعىن الۋعا پراكتيكالىق ەمتيحاننىڭ ءبىرىنشى كەزەڭى قابىلداندى. بۇگىنگى تاڭدا ءبولىم الماتى قالاسىنىڭ جانە الماتى وبلىسىنىڭ جاقىن ماڭداعى اۋداندارىنىڭ تۇرعىندارىنا قىزمەت كورسەتەدى. اۆتودروم اشىلعان كۇننەن باستاپ 9 242 جۇرگىزۋشى كۋالىگى بەرىلدءى", - دەپ اتاپ ءوتتى فيليال ديرەكتورى دانيار قىرىقباەۆ.

الماتى مامانداندىرىلعان حقو-لارىنىڭ اۆتودرومدارىندا جۇرگىزۋ بويىنشا ەمتيحاننىڭ پراكتيكالىق بولىگىن تاپسىرۋ كەزىندە ادامي فاكتوردى تولىعىمەن بولدىرمايتىن زاماناۋي ەلەكتروندىق باقىلاۋ جۇيەسى قولدانىلادى. ول ارنايى تەحنيكالىق قۇرالدار مەن قۇرىلىستار كەشەنىن قامتيدى جانە ا، ۆ، س،D ساناتتارىنداعى جۇرگىزۋشىلەردىڭ كولىكتى باسقارۋ داعدىلارىن باعالاۋ ءۇشىن پايدالانىلادى.

"بارلىق ازاماتتار پراكتيكالىق ەمتيحاندى قالاي تاپسىراتىنى، اۆتوماتتاندىرىلعان اۆتودروم دەگەن نە جانە ەمتيحان سوڭىندا باعا قالاي قويىلاتىنى تۋرالى ناقتى بىلە بەرمەيدى. مۇنى ءتۇسىنۋ ءۇشىن تاجىريبە قاجەت. كوپتەگەن جۇرگىزۋشىلەردىڭ جۇمىس كۇندەرى وقۋعا مۇمكىندىگى جوق. سوندىقتان، دەمالىس كۇنى جاتتىعۋعا نيەت بىلدىرۋشىلەر ءۇشىن سايالى شاعىن اۋدانىندا ورنالاسقان №1 مامانداندىرىلعان حقو-نىڭ اۆتودرومى اشىق بولادى", - دەيدى دانيار باتانۇلى.

"اۆتوماتتاندىرىلعان ەلەكتروندىق الاڭدا پراكتيكالىق ەمتيحان تاپسىرۋعا ەمتيحان الدى دايىندىقتى جۇرگىزۋ" مەملەكەتتىك قىزمەتىن پايدالانۋ ءۇشىن، ازامات وقۋ كۇنىنە دەيىن 2 كۇن بۇرىن مامانداندىرىلعان حقو-عا جۇگىنۋى جانە قىزمەت كورسەتۋگە شارت جاساسۋى قاجەت. بۇل رەتتە وزىڭىزبەن بىرگە تەك جەكە كۋالىگىڭىز بولۋ كەرەك.

بولاشاق جۇرگىزۋشىلەر مۇندا كولىك قۇرالىن باسقارۋ داعدىلارىن باقىلاۋ مەن باعالاۋدىڭ ەلەكتروندىق جۇيەسىمەن جابدىقتالعان مامانداندىرىلعان حقو اۆتوكولىكتەرىن پايدالانا الادى.

قىرىقباەۆتىڭ ايتۋىنشا، اۆتودرومداردا تاجىريبەلى نۇسقاۋشىلار جۇمىس ىستەيدى، ولار جابدىقتالعان اۆتودرومدا جانە جول-كولىك جەلىسىندە اۆتوكولىك جۇرگىزۋ بويىنشا كاسىبي داعدىلارعا يە بولۋعا كومەكتەسەدى. مۇندا ءسىز مىندەتتى ەمتيحان ەلەمەنتتەرىن جاساي الاسىز.

جىل باسىنان بەرى الماتىنىڭ ەكى مامانداندىرىلعان حقو-سىندا 100 مىڭنان استام جۇرگىزۋشى كۋالىگى بەرىلگەن، ولاردىڭ 60 مىڭنان استامى اۆتودرومداردا ەمتيحان تاپسىرۋ ناتيجەسىندە الىنعان.

اۆتودرومداردىڭ جۇمىس كەستەسى دۇيسەنبىدەن سەنبىگە دەيىن 9:00-دەن 18: 00-گە دەيىن. (جەكسەنبىدە تەك №1 مامانداندىرىلعان حقكو-دا 9-دان 18.00-گە دەيىن اۆتودروم جۇمىس ىستەيدى).

"ادىرنا" ۇلتتىق پورتالى

پىكىرلەر
رەداكتسيا تاڭداۋى