ۇلتتىق ارناعا مۇحامەدجان تازابەكوۆ كەلگەلى قوعام بەلسەندىلەرىنىڭ وعان قارسىلىعى كۇشەيە تۇسۋدە. سولاردىڭ ءبىرى تورتۋىل شوقان دا ۇلتتىق ارنادان دىندەردى ۋاعىزداۋعا قارسى ەكەندىگىن ايتىپ، ءوز پىكىرىن ورتاعا سالدى.
"مەملەكەتتىك جانە وعان تەڭەستىرىلگەن قىزمەتتەگى ادامدار، ءوز ءدىني ۇستانىمىنا قاتىستى اتريبۋتتار مەن ءجون-جورالعىسىن ءينتيمدى (جارياسىز) ۇستاۋى ءتيىس! وسىعان قاتىستى زاڭدارعا تولىقتىرۋلار مەن تۇزەتۋلەر ەنگىزىلۋى ءتيىس دەپ سانايمىن!
ۇلتتىق ارنادان يسلام ت.ب. دىندەردى ۋاعىزداۋعا قارسىمىن!
كوپشىلىككە قىزمەت كورسەتەتىن ورىنداردا «ورانىپ العانداردىڭ» قىزمەت كورسەتۋىنە قارسىمىن!
قر اتا زاڭىندا جازىلعان «قازاقستان — زايىرلى مەملەكەت!» قاعيداسىن ورىنداي ءومىر سۇرەيىك!
سەنىم-نانىم — ادامنىڭ ىشكى جان-دۇنيەسىندە، جۇرەگىندە بولۋى شارت!
قۇراندى وقىپ تافسىرلەگەن ادام رەتىندە ايتايىن: ول جەردە، ءوز ءدىني نانىمدارى مەن شارتتارىن ورىنداۋ ءۇشىن، جەرگىلىكتى جەر زاڭى كەيبىر باپتارىن حارامعا شىعاراتىن اياتتار بار!
قاتارى كوبەيسە ءتۇبى تاۋەلسىزدىگىمىزدەن ايىراتىن ەرەكشە اعىم بۇل!
VII عاسىردا بىتىراڭقى جاھيل اراپتاردىڭ باسىن قوسىپ اسكەر جاساپ، باسقا ەلدەردى جاۋلاپ الىپ باسقارۋ ستراتەگياسى!
اگاراكي اللاھ بار بولسا، ول ءوز قۇلدارىنىڭ تروفەي (باسقىنشىلىقتان تۇسكەن ولجا) تۋراسىندا ايتقىزباس ەدى. بىرىنەن ەكىنشىسىن ۇستەم ەتپەس ەدى!
مىسالى، « سوعىستان تۇسكەن ولجانىڭ 1/3-ءى (ۇشتەن ءبىرى – رەد) اللاھ پەن ونىڭ ەلشىسى مۇھامەدكە تيەسىلى..» —دەگەن ايات بار. اللاھ ءدۇنيا ىسىنە مۇقتاج بولماسا ول تروفەيدىڭ 1/3 بولىگىنە نەگە اۋىز سالعان؟
دەمەك، بۇل اياتتىڭ يەسى اناۋ ايتقان قۇداي ەمەس، ءوزىن قۇداي ورنىنا قويىپ العان پەندە مۇھاممەدتىڭ ءىسى ەمەس پە؟!
قوش، ءبىزدىڭ ەلدە يسلام ءدىنىن ۋاعىزداۋ — XIV عاسىردان بەرى قۇدايدان ءبىر رەت تە مۇعجيزا كورمەگەن، بىراق بيلىكتەن ءۇمىتى بار ءبىر توپ مۇددەسى!
ولارعا قوسىمشا قالاسا دا، قالاماسا دا قىزمەت كورسەتىپ وتىرعان ورتاڭقول شەنەۋىكتەر بار!
ال يسلام دىنىندەگى قالىڭ بۇھارانى ول توپ، بار بيلىكتى باسىپ الۋعا پايدالانۋدى كوزدەيدى!
قۇراندى ءبىر رەت تە وقىماعان، اۋەلى «تاۋبە» «شۇكىر» سوزدەرىن رەتتى قولدانۋدى بىلمەيتىن نادان توپقا ايتارىم مىناۋ:
پىكىر جازباس بۇرىن قۇراندى وقى. وعان ساۋاتىڭ جەتپەسە — قۇران تافسىرلەگەن ادامدار جازباسىن وقى دا، وي ءتۇي! «نامازىڭدى ۇيىڭدە نەگە وقيسىڭ؟» دەپ ۇرىناتىن ادام جوق.
زايىرلى قوعامدا ءومىر سۇرگىسى كەلەتىن باسقا دا ادامدار بار ەكەنىن ۇمىتپاعاندارىڭ ابزال!
ايتپاقشى، ۇلتتىق ارنادان يسلام ءدىنىن ناسيحاتىنا ۋاقىت بەرگەن قر اقپارات جانە قوعامدىق دامۋ ءمينيستىرى ا.بالاەۆانىڭ جۇرت الدىندا «بالى» ءتۇستى!
وعان ونىڭ «قىلى دا قيسايمايتىنىن» ول دا، ءبىز دە ءتۇسىنىپ وتىرمىز!
ۇلت دامۋىنا كەدەرگى بولاتىن پروەكتىگە جول بەرىپ جۇمىس ىستەگەنشەنشە - ۇيدە جۇمىسسىز جاتىپ ولگەن جاقسى!", - دەپ تۇيىندەدى تورتۋىل شوقان.
