مۇحتار ءابليازوۆ فرانتسيادا قازاقستان قوزعاعان قىلمىستىق ءىس بويىنشا 7,5 ميلليارد دوللار جىمقىردى دەپ ايىپتالدى. ول قازىرگى تاڭدا سوتتىڭ باقىلاۋىندا. بۇل تۋرالى بۇرىنعى قازاقستاندىق بانكيردىڭ ادۆوكاتى ايتتى، - دەپ حابارلايدى «ادىرنا» ۇلتتىق پورتالى Radio Free Europa-عا سىلتەمە جاساپ.
زاڭگەردىڭ ايتۋىنشا، فرانتسيادان ساياسي باسپانا العان ابليازوۆكە «سەنىم ۇدەسىن اسىرا پايدالاندى» جانە «اقشانىڭ ءىزىن جاسىردى» دەگەن ايىپ تاعىلعان. سونداي-اق، جەرار چولاكيان پاريج پروكۋراتۋراسىنا قازاقستاننان شاعىم تۇسكەنىن اتاپ ءوتتى.
مۇحتار ءابليازوۆتىڭ ءوزى دۇيسەنبىدە قاماۋعا الىنىپ، ەكى كۇن تۇرمەدە وتىرعانىن ايتقان بولاتىن. بۇقارالىق اقپارات قۇرالدارىنىڭ حابارلاۋىنشا، بانكير كەيىنىرەك بوساتىلعان.
ەسكە سالا كەتەيىك، ءابليازوۆ بتا بانكىنەن شامامەن 7 ميلليارد دوللار جىمقىرعانى
ءۇشىن سىرتتاي 20 جىلعا سوتتالىپ، 2018 جىلى ەرجان تاتىشەۆتىڭ ءولىمىن ۇيىمداستىرعانى ءۇشىن ءومىر بويىنا باس بوستاندىعىنان ايىرىلعان بولاتىن. قازىرگى تاڭدا بتا بانكىنىڭ بۇرىنعى باسشىسىن رەسەي مەن ۋكراينا بيۋدجەتىنەن 5 ميلليارد دوللار ۇرلادى دەگەن كۇدىكپەن ىزدەستىرىپ جاتىر.
«ادىرنا» ۇلتتىق پورتالى
