Muhtar Áblıazov Franııada Qazaqstan qozǵaǵan qylmystyq is boıynsha 7,5 mıllıard dollar jymqyrdy dep aıyptaldy. Ol qazirgi tańda sottyń baqylaýynda. Bul týraly burynǵy qazaqstandyq bankırdiń advokaty aıtty, - dep habarlaıdy «Adyrna» ulttyq portaly Radio Free Europa-ǵa silteme jasap.
Zańgerdiń aıtýynsha, Franııadan saıası baspana alǵan Áblıazovke «senim údesin asyra paıdalandy» jáne «aqshanyń izin jasyrdy» degen aıyp taǵylǵan. Sondaı-aq, Jerar Cholakıan Parıj prokýratýrasyna Qazaqstannan shaǵym túskenin atap ótti.
Muhtar Áblıazovtyń ózi dúısenbide qamaýǵa alynyp, eki kún túrmede otyrǵanyn aıtqan bolatyn. Buqaralyq aqparat quraldarynyń habarlaýynsha, bankır keıinirek bosatylǵan.
Eske sala keteıik, Áblıazov BTA bankinen shamamen 7 mıllıard dollar jymqyrǵany
úshin syrttaı 20 jylǵa sottalyp, 2018 jyly Erjan Tátishevtiń ólimin uıymdastyrǵany úshin ómir boıyna bas bostandyǵynan aıyrylǵan bolatyn. Qazirgi tańda BTA bankiniń burynǵy basshysyn Reseı men Ýkraına bıýdjetinen 5 mıllıard dollar urlady degen kúdikpen izdestirip jatyr.
«Adyrna» ulttyq portaly
