شىمكەنت اۋەجايى 5,2 ملرد تەڭگەگە اۋكتسيونعا قويىلدى. ءتيىستى حابارلاندىرۋ مەملەكەتتىك مۇلىك ءتىزىلىمى سايتىندا پايدا بولدى، دەپ حابارلايدى Stan.kz اقپارات اگەنتتىگى.
اۋەجاي ساۋداعا 8 قازان كۇنى تۇسپەك. اۋەجايدىڭ 100%-دىق تابىسى تۇتاسىمەن ساتىپ العان ۇلەسكەردىڭ قولىنا تيمەك. قازىرگى تاڭدا شىمكەنت اۋەجايى قالانىڭ قارجى باسقارماسىنا تيەسىلى كورىنەدى.
ايتا كەتەيىك، اۋەجايدى ساتىپ العان ازاماتقا عيمارات مەن جەر ۇلەسىنەن بولەك، 80-نەن استام اۆتوكولىك (ونىڭ ىشىندە Toyota Corolla ماركالى 3 اۆتوكولىك، Toyota Land Cruises 200 ماركالى 2 كولىك، Land Rover Discovery ماركالى 1 تەمىر تۇلپار بار). دەگەنمەن ساتىپ الۋشى ۇلەسكەر نىسانعا 6 ملرد تەڭگە ينۆەستيتسيا قۇيۋى كەرەك بولادى. بۇل قاراجات تەرمينالدىڭ جاڭارتىلۋى مەن جاڭا قۇرال-جابدىقتاردىڭ ساتىپ الۋىنا جۇمسالماق.
ەسكە سالايىق، بۇعان دەيىن "Scat" اۋەكومپانياسى شىمكەنتتەگى اۋەجايعا جاڭا تەرمينالى سالاتىنى بەلگىلى بولعان ەدى. ونىڭ قۇرىلىسى 2020 جىلدىڭ قازانىندا اياقتالىپ، قولدانىسقا بەرىلەدى دەپ جوسپارلانىپتى.
