شىمكەنت قالاسىندا قىركۇيەك ايىنىڭ باسىندا قايتا ىسكە قوسىلعان «Shymkent bike» ۆەلوستانتسيالارىنان بۇگىنگى كۇنگە دەيىن تۇرعىندار 4 324 رەت ۆەلوسيپەد جالعا العان.
بۇل جونىندە بۇگىن قالا اكىمى مۇرات ايتەنوۆتىڭ جول-كولىك ينفراقۇرىلىمىن دامىتۋ باعىتىنداعى جۇمىستارمەن تانىسۋى كەزىندە بەلگىلى بولدى.
جوبادا 160 ۆەلوسيپەدى بار 40 ۆەلوستانتسيا قاراستىرىلعان. ازىرگە سونىڭ 31-ءى جۇمىس ىستەپ تۇر. قالعان 9 ستانتسيا الداعى ۋاقىتتا ىسكە قوسىلادى.
قىركۇيەك ايىنىڭ باسىنان بەرى 100-گە جۋىق ابونەنتتىك كارتا ساتىلسا، 31 تۇرعىن ءوز كارتاسىن قايتا قالپىنا كەلتىرىپتى. سونداي-اق، 39 كارتا يەسى ابونومەنت مەرزىمىن ۇزارتسا، 21 كليەنت قوسىمشا بالانس العان.
پايدالانۋشىلار ءۇشىن قولجەتىمدى ءارى ىڭعايلى تاريفتىك جوسپارلار ازىرلەنگەن. «BIKE SHARING» جۇيەسى ارقىلى ۆەلوسيپەدتى العاشقى 30 مينۋت تەگىن پايدالانۋعا بولادى. ودان كەيىن تاريفكە سايكەس 1 ساعات ءۇشىن -100 تەڭگە، 2 ساعات ءۇشىن – 250 تەڭگە، 3 ساعات ءۇشىن – 500 تەڭگە، ال 3 ساعاتتان اسسا 1 000 تەڭگەدەن جۇمسالادى. سونىمەن بىرگە 1 ايلىق ابونەمەنت – 2 500 تەڭگە، 3 ايلىق ابونەمەنت – 6 000, 1 جىلدىق ابونەمەنت – 10 000 تەڭگە تۇرادى. ايتا كەتەيىك، ۆەلوستانتسيالار كۇننەن قۋات الادى.
مۇرات دۇيسەنبەكۇلى الداعى ۋاقىتتا قالادا ۆەلوجەلىنى ودان ءارى دامىتۋ جوسپارلانىپ وتىرعانىن ايتتى. وسى ماقساتتا دانيالىق «Copenhagenize Design Co.» كومپانياسىمەن بىرگە زەردەلەۋ جۇمىستارى جۇرگىزىلىپ، 2025 جىلعا دەيىنگى دامۋ تۇجىرىمداماسى قابىلدانعان. سوعان سايكەس، قالادا ۆەلوجەلىنى تولىق جەتىلدىرىپ، تۇرعىنداردىڭ پايدالانۋىنا ىڭعايلى ەتۋ ءۇشىن 1500 ۆەلوسيپەدى بار 200 ۆەلوستانتسيا سالۋ قاجەتتىگى انىقتالعان.
بيىل د.قوناەۆ داڭعىلى مەن ع.يلياەۆ، ءا.جانگەلدين، ا.اسقاروۆ، ا.بايتۇرسىنۇلى جانە تۇركىستان كوشەلەرىنىڭ بويىنا ۆەلوجولاق سالىنىپ، كەزەڭ-كەزەڭىمەن پايدالانۋعا بەرىلۋدە.
رەبرەندينگ كەزىندە بۇرىن ءجيى پايدالانىلمايتىن 11 ستانتسيا وسى كوشەلەردىڭ بويىنا كوشىرىلگەن. ىستەن شىققان ۆەلوسيپەدتەر جوندەلىپ، جاڭارتىلعان.
تۇجىرىمداماعا سايكەس، 2025 جىلعا قاراي شىمكەنتتە 110 شاقىرىم ۆەلوجولدار بولادى. قازىر ونىڭ جالپى ۇزىندىعى 20 شاقىرىمعا تەڭ.
شىمكەنت قالاسى اكىمىنىڭ ءباسپاسوز قىزمەتى
