Shymkent: «SHYMKENT BIKE» velosıpedterin paıdalanýshylar kóbeıýde

480

Shymkent qalasynda qyrkúıek aıynyń basynda qaıta iske qosylǵan «Shymkent bike» velostanııalarynan búgingi kúnge deıin turǵyndar 4 324 ret velosıped jalǵa alǵan.

Bul jóninde búgin qala ákimi Murat Áıtenovtiń jol-kólik ınfraqurylymyn damytý baǵytyndaǵy jumystarmen tanysýy kezinde belgili boldy.

Jobada 160 velosıpedi bar 40 velostanııa qarastyrylǵan. Ázirge sonyń 31-i jumys istep tur. Qalǵan 9 stanııa aldaǵy ýaqytta iske qosylady.

Qyrkúıek aıynyń basynan beri 100-ge jýyq abonenttik karta satylsa, 31 turǵyn óz kartasyn qaıta qalpyna keltiripti. Sondaı-aq, 39 karta ıesi abonoment merzimin uzartsa, 21 klıent qosymsha balans alǵan.

Paıdalanýshylar úshin qoljetimdi ári yńǵaıly tarıftik josparlar ázirlengen. «BIKE SHARING» júıesi arqyly velosıpedti alǵashqy 30 mınýt tegin paıdalanýǵa bolady. Odan keıin tarıfke sáıkes 1 saǵat úshin -100 teńge, 2 saǵat úshin – 250 teńge, 3 saǵat úshin – 500 teńge, al 3 saǵattan assa 1 000 teńgeden jumsalady. Sonymen birge 1 aılyq abonement – 2 500 teńge, 3 aılyq abonement – 6 000, 1 jyldyq abonement – 10 000 teńge turady. Aıta keteıik, velostanııalar kúnnen qýat alady.

Murat Dúısenbekuly aldaǵy ýaqytta qalada velojelini odan ári damytý josparlanyp otyrǵanyn aıtty. Osy maqsatta danııalyq «Copenhagenize Design Co.» kompanııasymen birge zerdeleý jumystary júrgizilip, 2025 jylǵa deıingi damý tujyrymdamasy qabyldanǵan. Soǵan sáıkes, qalada velojelini tolyq jetildirip, turǵyndardyń paıdalanýyna yńǵaıly etý úshin 1500 velosıpedi bar 200 velostanııa salý qajettigi anyqtalǵan.

Bıyl D.Qonaev dańǵyly men Ǵ.Ilıaev, Á.Jangeldın, A.Asqarov, A.Baıtursynuly jáne Túrkistan kósheleriniń boıyna velojolaq salynyp, kezeń-kezeńimen paıdalanýǵa berilýde.
Rebrendıng kezinde buryn jıi paıdalanylmaıtyn 11 stanııa osy kóshelerdiń boıyna kóshirilgen. Isten shyqqan velosıpedter jóndelip, jańartylǵan.

Tujyrymdamaǵa sáıkes, 2025 jylǵa qaraı Shymkentte 110 shaqyrym velojoldar bolady. Qazir onyń jalpy uzyndyǵy 20 shaqyrymǵa teń.

Shymkent qalasy ákiminiń baspasóz qyzmeti

Pikirler
Redakııa tańdaýy