الماتىلىق بويجەتكەندى الەۋمەتتىك جەلى ارقىلى تانىسقان جىگىتسىماعى زورلاپ كەتكەن، دەپ حابارلايدى «ادىرنا» ۇلتتىق پورتالى «Astana TV» ارناسىنا سىلتەمە جاساپ. جابىرلەنۋشى پوليتسياعا ارىز جازعان. بىراق ول قىزمەتكەرلەردىڭ كۇدىكتىنى ۇستاۋعا اسا قۇلشىنىپ وتىرماعانىنا الاڭداۋلى. قازىرگى تاڭدا جابىرلەنۋشى قوعامدىق قورمەن بىرلەسىپ، پروكۋراتۋراعا ارىز تۇسىرگەن. قوردىڭ وكىلدەرى كۇن ساناپ قورلىق كورگەن قىز-كەلىنشەكتەر ارتىپ كەلە جاتقانىن اتاپ ءوتتى.
22 جاستاعى الماتىلىق بويجەتكەن قىركۇيەكتىڭ 24-ءى، تۇندە بولعان جايتتى ءالى قورقىنىشپەن ەسكە الادى. ول الەۋمەتتىك جەلى ارقىلى جىگىتپەن تانىسىپ، ەكى ايداي حات-حابار الماسىپ تۇرعان. ابدەن سەنىمگە كىرگەن سوڭ، جىگىتپەن كەزدەسۋگە بارعانىن ايتتى. بىراق جەلىدەگى سەرىگە ارتىلعان سەنىم اقتالماعان.
«ءبىز ساياباقتا اڭگىمەلەسىپ وتىرعاندا،ول مەنى ۇرىپ جىبەردى. قارسىلىسۋعا كۇشىم جەتكەن جوق»،-دەيدى جابىرلەنۋءشى.
جىگىت قايتار جولدا بويجەتكەندى ءتورت مارتە قىلقىندىرعان.
«اپتا باستالعالى ءدال وسىنداي ءتورت جاعداي كەلىپ ءتۇستى. سىزدەردى قىزىقتىرعان بويجەتكەننىڭ وقيعاسىنا كەلەتىن بولساق، كۇدىكتى جىگىت ونى زورلاپ قانا قويماي ولتىرگىسى كەلگەنىن دە اڭعارۋعا بولادى. پوليتسياعا ارىز جازىلدى. بىراق كۇدىكتى ءالى ەركىندىكتە ءجۇر»,-دەپ حابارلادى "نە مولچي" قوعامدىق قورىنىڭ نەگىزىن سالۋشى دينا سمايلوۆا.
پوليتسيا كۇدىكتىنىڭ بوستاندىقتا جۇرگەنىن راستادى. قۇزىرلى دەپارتامەنت قازىر اتالعان جاعداي بويىنشا تەرگەۋدى باستاعان. ارىز تۇسىسىمەن، كۇدىكتى ۇستالىپ جاۋاپ الىنعانىن ءمالىم ەتتى. تەرگەۋ تالاپتارىنا سايكەس وزگە اقپاراتتاردى جاريالاۋدان باس تارتتى.
«ادىرنا» ۇلتتىق پورتالى
