Almatylyq boıjetkendi áleýmettik jeli arqyly tanysqan jigitsymaǵy zorlap ketken, dep habarlaıdy «Adyrna» ulttyq portaly «Astana TV» arnasyna silteme jasap. Jábirlenýshi polıııaǵa aryz jazǵan. Biraq ol qyzmetkerlerdiń kúdiktini ustaýǵa asa qulshynyp otyrmaǵanyna alańdaýly. Qazirgi tańda jábirlenýshi qoǵamdyq qormen birlesip, prokýratýraǵa aryz túsirgen. Qordyń ókilderi kún sanap qorlyq kórgen qyz-kelinshekter artyp kele jatqanyn atap ótti.
22 jastaǵy almatylyq boıjetken qyrkúıektiń 24-i, túnde bolǵan jaıtty áli qorqynyshpen eske alady. Ol áleýmettik jeli arqyly jigitpen tanysyp, eki aıdaı hat-habar almasyp turǵan. Ábden senimge kirgen soń, jigitpen kezdesýge barǵanyn aıtty. Biraq jelidegi serige artylǵan senim aqtalmaǵan.
«Biz saıabaqta áńgimelesip otyrǵanda,ol meni uryp jiberdi. Qarsylysýǵa kúshim jetken joq»,-deıdi jábirlenýshi.
Jigit qaıtar jolda boıjetkendi tórt márte qylqyndyrǵan.
«Apta bastalǵaly dál osyndaı tórt jaǵdaı kelip tústi. Sizderdi qyzyqtyrǵan boıjetkenniń oqıǵasyna keletin bolsaq, kúdikti jigit ony zorlap qana qoımaı óltirgisi kelgenin de ańǵarýǵa bolady. Polıııaǵa aryz jazyldy. Biraq kúdikti áli erkindikte júr»,-dep habarlady "Ne molchı" qoǵamdyq qorynyń negizin salýshy Dına SMAILOVA.
Polıııa kúdiktiniń bostandyqta júrgenin rastady. Quzyrly departament qazir atalǵan jaǵdaı boıynsha tergeýdi bastaǵan. Aryz túsisimen, kúdikti ustalyp jaýap alynǵanyn málim etti. Tergeý talaptaryna sáıkes ózge aqparattardy jarııalaýdan bas tartty.
«Adyrna» ulttyq portaly
