كاۆاساكي بالالار ءۇشىن كوروناۆيرۋستان دا قاۋىپتى، دەپ حابارلايدى «ادىرنا» ۇلتتىق پورتالى «Astana TV» ارناسىنا سىلتەمە جاساپ. ەلىمىز بويىنشا اتالعان ىندەتتەن ەكى بالا قايتىس بولدى. كوز جۇمعانداردىڭ ءبىرى- 2 جاستاعى ءسابي. ول اۋرۋحاناعا وتە اۋىر جاعدايدا جەتكىزىلگەن. ەكىنشى كۇنى جانساقتاۋ بولىمىنە اۋىستىرىلىپتى. بىراق، 1 اي بويى كومادا جاتقان ءبۇلدىرشىندى قۇتقارىپ قالۋ دارىگەرلەرگە مۇمكىن بولماعان.
«قايتىس بولعان ەكىنشى بالا -15 جاستاعى ءجاسوسپىرىم. ونىڭ سوزىلمالى اۋرۋى بولعان. سوندىقتان بالانىڭ جاعدايى اۋىر بولدى. ودان الىنعان قان سىناماسىندا كوروناۆيرۋستىڭ بارى انىقتالدى. بارلىق قاجەتتى مەديتسينالىق كومەكتەر كورسەتىلدىگەنىنە قاراماستان، قۇتقارىپ قالۋ مۇمكىن بولمادى»،- دەدى قر دەنساۋلىق ساقتاۋ ءمينيسترىنىڭ ورىنباسارى اجار عينايات.
قازىر اتالعان كەسەلدەن 37 بالا جازىلىپ شىققان. ەكەۋى ەمىن جالعاستىرىپ جاتىر. ەسەسىنە كوروناۆيرۋستى مەكتەپ جاسىنداعى بالالاردىڭ جۇقتىرۋ دەرەگى كوبەيگەن. ەل اۋماعىندا COVID-19 109 بالادان انىقتالسا، سونىڭ 36-سى كەزەكشى سىنىپتا وقيدى. ال، قالعاندارى قاشىقتان ءبىلىم الادى. جالپى، وقۋشىلارمەن بايلانىستا بولعان ادامدار اراسىنان دا دەرتتى جۇقتىرعاندار بار.
«ادىرنا» ۇلتتىق پورتالى
