Kavasakı balalar úshin koronavırýstan da qaýipti, dep habarlaıdy «Adyrna» ulttyq portaly «Astana TV» arnasyna silteme jasap. Elimiz boıynsha atalǵan indetten eki bala qaıtys boldy. Kóz jumǵandardyń biri- 2 jastaǵy sábı. Ol aýrýhanaǵa óte aýyr jaǵdaıda jetkizilgen. Ekinshi kúni jansaqtaý bólimine aýystyrylypty. Biraq, 1 aı boıy komada jatqan búldirshindi qutqaryp qalý dárigerlerge múmkin bolmaǵan.
«Qaıtys bolǵan ekinshi bala -15 jastaǵy jasóspirim. Onyń sozylmaly aýrýy bolǵan. Sondyqtan balanyń jaǵdaıy aýyr boldy. Odan alynǵan qan synamasynda koronavırýstyń bary anyqtaldy. Barlyq qajetti medıınalyq kómekter kórsetildigenine qaramastan, qutqaryp qalý múmkin bolmady»,- dedi QR Densaýlyq saqtaý mınıstriniń orynbasary Ajar ǴINAIaT.
Qazir atalǵan keselden 37 bala jazylyp shyqqan. Ekeýi emin jalǵastyryp jatyr. Esesine koronavırýsty mektep jasyndaǵy balalardyń juqtyrý deregi kóbeıgen. El aýmaǵynda COVID-19 109 baladan anyqtalsa, sonyń 36-sy kezekshi synypta oqıdy. Al, qalǵandary qashyqtan bilim alady. Jalpy, oqýshylarmen baılanysta bolǵan adamdar arasynan da dertti juqtyrǵandar bar.
«Adyrna» ulttyq portaly
