شىعىس قازاقستان وبلىسىنىڭ تۇرعىنى الاياققا الدانىپ، 130 ملن تەڭگەسىنەن ايىرىلدى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى الاياقتىق جاساعان 46 جاستاعى وسكەمەن قالاسىنىڭ تۇرعىنىن قولعا تۇسىرگەن. «تەرگەۋ بارىسىندا انىقتالعانداي، كۇدىكتى وزىنە تيەسىلى ەمەس جىلجىمايتىن مۇلىكتى ساتاتىندىعىن ايتىپ، جابىرلەنۋشىنىڭ 130 ميلليون تەڭگەدەن استام قاراجاتىن يەمدەنگەن. قازىرگى ۋاقىتتا قىلمىستىق ءىس سوتقا جىبەرىلدى»، - دەدى شقو پد باستىعى ساعات ماديەۆ. وسى رەتتە، دەپارتامەنت وكىلدەرى تۇرعىندارعا الاياقتاردىڭ تۇزاعىنا ءتۇسىپ قالماس ءۇشىن بارىنشا اباي بولۋ كەرەكتىگىن ەسكەرتەدى.
فوتو اشىق دەرەككوزدەن الىندى.
