جىل باسىنان بەرى قازاقستاندا اۋداندىق جانە وبلىستىق دەڭگەيدەگى 9 اكىم وتستاۆكاعا كەتۋ تۋرالى ءوتىنىش بەردى، التاۋى قىزمەتتەن كەتتى، دەپ حابارلايدى Sputnik.kz سايتى سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.
قازىر اتىراۋ وبلىسى قۇرمانعازى اۋدانى اكىمىنىڭ وتستاۆكاعا كەتۋ تۋرالى ءوتىنىشى قارالىپ جاتىر. ونىڭ ورىنباسارى سوتتالعان بولاتىن.
ۆەدومستۆونىڭ مالىمەتىنشە، توعىز ايدىڭ ىشىندە اۋداندىق جانە وبلىستىق دەڭگەيدەگى 9 اكىم وتستاۆكاعا كەتۋ تۋرالى ءوتىنىش بەرگەن. التاۋى جۇمىستان شىعارىلدى. ەكى اكىمنىڭ وتستاۆكاسى قابىلدانعان جوق.
"ساتباەۆ قالاسىنىڭ اكىمى ىدىرىسوۆ پەن الماتى وبلىسى پانفيلوۆ اۋدانىنىڭ اكىمى ومىراليەۆتىڭ وتستاۆكاسى قابىلدانعان جوق. وبلىس اكىمدەرى ولارعا "سوگىس" جاريالادى. ساتباەۆ اكىمى ءوتىنىش بەرمەسە دە بولار ەدى. ويتكەنى ونىڭ قاراماعىنداعى قىزمەتكەر جەمقورلىق قىلمىسىن جاڭا زاڭ قابىلدانعانعا دەيىن جاسادى", - دەپ مالىمدەدى اگەنتتىكتەن.
جۋىردا قوستاناي وبلىسى رۋدنىي قالاسىنىڭ اكىمى باقىتجان عايازوۆ وتستاۆكاعا كەتتى. ول بۇل قىزمەتتى 2011 جىلدان بەرى اتقارعان ەدى. بۇعان دەيىن حابارلانعانداي، 13 قىركۇيەكتە وعان تىكەلەي باعىناتىن رۋدنىي قالاسى قاشار كەنتىنىڭ اكىمى الدونعاروۆقا قاتىستى سوت ۇكىمى زاڭدى كۇشىنە ەندى.
سونىمەن قاتار، قازىر اتىراۋ وبلىسى قۇرمانعازى اۋدانىنىڭ اكىمى نۇرتاەۆتىڭ وتستاۆكاعا كەتۋ تۋرالى ءوتىنىشى قارالىپ جاتىر. ونىڭ ورىنباسارى سوتتالعان بولاتىن.
فوتو اشىق دەرەككوزدەن الىندى.
