Jyl basynan beri Qazaqstanda aýdandyq jáne oblystyq deńgeıdegi 9 ákim otstavkaǵa ketý týraly ótinish berdi, altaýy qyzmetten ketti, dep habarlaıdy Sputnik.kz saıty sybaılas jemqorlyqqa qarsy is-qımyl agenttigine silteme jasap.
Qazir Atyraý oblysy Qurmanǵazy aýdany ákiminiń otstavkaǵa ketý týraly ótinishi qaralyp jatyr. Onyń orynbasary sottalǵan bolatyn.
Vedomstvonyń málimetinshe, toǵyz aıdyń ishinde aýdandyq jáne oblystyq deńgeıdegi 9 ákim otstavkaǵa ketý týraly ótinish bergen. Altaýy jumystan shyǵaryldy. Eki ákimniń otstavkasy qabyldanǵan joq.
"Sátbaev qalasynyń ákimi Ydyrysov pen Almaty oblysy Panfılov aýdanynyń ákimi Ómirálıevtiń otstavkasy qabyldanǵan joq. Oblys ákimderi olarǵa "sógis" jarııalady. Sátbaev ákimi ótinish bermese de bolar edi. Óıtkeni onyń qaramaǵyndaǵy qyzmetker jemqorlyq qylmysyn jańa zań qabyldanǵanǵa deıin jasady", - dep málimdedi agenttikten.
Jýyrda Qostanaı oblysy Rýdnyı qalasynyń ákimi Baqytjan Ǵaıazov otstavkaǵa ketti. Ol bul qyzmetti 2011 jyldan beri atqarǵan edi. Buǵan deıin habarlanǵandaı, 13 qyrkúıekte oǵan tikeleı baǵynatyn Rýdnyı qalasy Qashar kentiniń ákimi Aldonǵarovqa qatysty sot úkimi zańdy kúshine endi.
Sonymen qatar, qazir Atyraý oblysy Qurmanǵazy aýdanynyń ákimi Nurtaevtyń otstavkaǵa ketý týraly ótinishi qaralyp jatyr. Onyń orynbasary sottalǵan bolatyn.
Foto ashyq derekkózden alyndy.
