شىمكەنت قالاسى اكىمىنىڭ وكىمىنە سايكەس قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى لاۋازىمىنا جولداسوۆ ەرجان جاقسىلىقۇلى تاعايىندالدى.
ەرجان جاقسىلىقۇلى 1980 جىلى 15 شىلدەدە وقو بايدىبەك اۋدانىندا دۇنيەگە كەلگەن.
2002 جىلى م.اۋەزوۆ اتىنداعى وقمۋ، 2006 جىلى «قاينار» ۋنيۆەرسيتەتىن، 2020 جىلى رف پرەزيدەنتى جانىنداعى حالىق شارۋاشىلىعى جانە مەملەكەتتىك قىزمەت اكادەمياسىن تامامداعان.
ماماندىعى — ينجينەر- حيميك-تەحنولوگ، ەكونوميكا باكالاۆرى، مەملەكەتتىك جانە مۋنيتسيپالدى باسقارۋ ماگيسترى.
ەڭبەك جولىن «Sigma Brom» جشس-ىندە تەحنولوگ بولىپ باستاعان. 2005-2007 جىلدارى ءىىم ىشكى ىستەر ورگاندارىندا قىزمەت اتقارعان.
2007-2008 جىلدارى قر كولىك جانە كوممۋنيكاتسيا مينيسترلىگى كولىكتىك باقىلاۋ كوميتەتى ۇيىمداستىرۋ-ساراپتاما جانە ليتسەنزيالاۋ باسقارماسى ليتسەنزيالاۋ جانە ساراپتاۋ ءبولىمىنىڭ جەتەكشى مامانى بولىپ جۇمىس ىستەگەن.
2008-2013 جىلدارى قر كولىك جانە كوممۋنيكاتسيا مينيسترلىگى كولىكتىك باقىلاۋ كوميتەتى اۆتوموبيل جانە تەمىر جول كولىگىندەگى باقىلاۋ باسقارماسىنىڭ ساراپشىسى بولدى.
2013-2014 جىلدارى قر كولىك جانە كوممۋنيكاتسيا مينيسترلىگى كولىكتىك باقىلاۋ كوميتەتى كولىكتەگى باقىلاۋ جانە مونيتورينگ باسقارماسىنىڭ باس ساراپشىسى قىزمەتىن اتقاردى.
2014-2015 جىلدارى
قر كولىك جانە كوممۋنيكاتسيا مينيسترلىگى كولىكتىك باقىلاۋ كوميتەتى سيتۋاتسيا ورتالىعىنىڭ باسشىسى لاۋازىمىندا ەڭبەك ەتتى.
2015-2018 جىلدارى ينۆەستيتسيالار جانە دامۋ مينيسترلىگى كولىك كوميتەتىنىڭ قىزىلوردا وبلىسى بويىنشا كولىكتىك باقىلاۋ ينسپەكتسياسىنىڭ باسشىسى قىزمەتىن اتقاردى.
2018-2019 جىلدارى
ينۆەستيتسيالار جانە دامۋ مينيسترلىگى كولىك كوميتەتىنىڭ شىمكەنت قالاسى بويىنشا كولىكتىك باقىلاۋ ينسپەكتسياسىنىڭ باسشىسى بولدى.
ال، 2019 جىلدان باستاپ بۇگىنگى كۇنگە دەيىن يندۋستريا جانە ينفراقۇرىلىمدىق دامۋ مينيسترلىگى كولىك كوميتەتىنىڭ شىمكەنت قالاسى بويىنشا كولىكتىك باقىلاۋ ينسپەكتسياسىنىڭ باسشىسى بولىپ كەلدى.
شىمكەنت قالاسى اكىمىنىڭ ءباسپاسوز قىزمەتى
