الماتىدا الاياقتىق جاسادى دەپ ايىپتالعان ادام ەكونوميكالىق تەرگەۋ دەپارتامەنتىنىڭ تەرەزەسىنەن سەكىرىپ كەتتى. بۇل تۋرالى قازاقستاننىڭ قارجى مونيتورينگى كوميتەتىنىڭ ءباسپاسوز قىزمەتى ءمالىم ەتتى، دەپ حابارلايدى Stan.kz اقپارات اگەنتتىگى.
وقيعا 22 قىركۇيەكتە بولعان. ءىرى كولەمدەگى الاياقتىق جاسادى دەپ ايىپتالعان ەرلان قونىسپاەۆ تۇتقىنداۋ كەزىندە ەكونوميكالىق تەرگەۋ باسقارماسىنىڭ بەسىنشى قاباتىنىڭ تەرەزەسىنەن سەكىرىپ كەتتى. 44 جاستاعى ەر ادام قايعىلى قازاعا ۇشىرادى.
"دەرەۋ جەدەل جاردەم بريگاداسى شاقىرىلدى، ولار قونىسپاەۆتىڭ قايتىس بولعانى تۋرالى مالىمدەدى. قازىرگى ۋاقىتتا بۇل فاكتى بويىنشا سوتقا دەيىنگى تەرگەۋ باستالدى. سونىمەن بىرگە، قازاقستان رەسپۋبليكاسى قارجى مينيسترلىگىنىڭ قارجى مونيتورينگى كوميتەتىمەن ىشكى قىزمەتتىك تەرگەۋ جۇرگىزىلىپ جاتىر. سونىمەن قاتار، قىلمىستىق تەرگەۋگە قاتىسۋشىلاردىڭ قاۋىپسىزدىگىن قامتاماسىز ەتۋ بويىنشا ۆەدومستۆولىق شارالار قابىلدانۋدا. قارجى مونيتورينگى كوميتەتى مارقۇمنىڭ وتباسىنا قايعىلارىنا ورتاقتاسىپ كوڭىل ايتادى جانە وسى قايعىلى جاعدايدى وبەكتيۆتى تەرگەۋگە بارلىق كومەك كورسەتەدى", - دەپ حابارلادى ءباسپاسوز قىزمەتى.
قىلمىستىق ءىس ماتەريالدارى بويىنشا، مارقۇم 2016 جىلى قر بعم عىلىم كوميتەتىنەن 230 ميلليون تەڭگە كولەمىندە ماقساتتى گرانت العان. كوميتەت قونىسپاەۆتىڭ ەنشىلەس كومپانيالاردىڭ ەسەپشوتتارىنا 88 ميلليون تەڭگەدەن استام اقشا اۋدارعانىن جانە كەلىسىمشارتتا قاراستىرىلعان جۇمىس اياقتالماعانىن ايتادى.
"22 قىركۇيەكتە مارقۇمنىڭ ادۆوكاتىنىڭ قاتىسۋىمەن كۇدىكتى رەتىندە جاۋاپ الىندى. ونىڭ ارەكەتتەرى قىلمىستىق كودەكستىڭ 190-بابى 4-بولىگى - ءىرى كولەمدەگى الاياقتىق بويىنشا كۆاليفيكاتسيالانعان. تەرگەۋ ارەكەتتەرى اياقتالعاننان كەيىن، قونىسپاەۆتىڭ 2012 جىلى اۋىر قىلمىس جاساعانى ءۇشىن سوتتالعاندىعى ەسكەرىلىپ، جاڭا اۋىر قىلمىس جاساعانى ءۇشىن تەرگەۋشى ونى قىجك-ءنىڭ 128-بابىنا سايكەس قاماۋعا الۋ جانە ۋاقىتشا تەرگەۋ يزولياتورىنا ورنالاستىرۋ تۋرالى شەشىم قابىلدادى. وسى ءساتتى پايدالانىپ، ۇستاۋ جانە جەكە ءتىنتۋ حاتتامالارىن جاساعاننان كەيىن قونىسپاەۆ تەرەزەدەن سەكىرىپ كەتتى", - دەپ حابارلادى كوميتەتتىڭ ءباسپاسوز قىزمەتى.
