قوستاناي وبلىسىنىڭ اكىمى «قوستاناي – ادالدىق الاڭى» جوبالىق كەڭسەسى الاڭىندا «Antikor Live» جوباسى اياسىندا «اشىقتىق، ۇيلەسىمسىزدىك جانە اكىمدىكتەردىڭ قولجەتىمدىلىگى» تاقىرىبىندا ءسوز سويلەدى. ارحيمەد مۇحامبەتوۆ وبلىس تۇرعىندارىنا 766 مىڭ تەڭگە ايلىق الاتىنىن جەتكىزدى. اكىمنىڭ سوزىنشە، ەلىمىزدەگى مەملەكەتىك ورگانداردىڭ ءبىرىنشى باسشىلارى ايلىقتارىن جاريا ەتۋى ءتيىس. ول مەملەكەتتىك ورگان باسشىلارىنىڭ مىندەتى بولىپ ەسەپتەلەدى.
"2020 جىلدىڭ تامىز ايىندا رەسپۋبليكالىق "ادالدىق الاڭى" جوبالىق كەڭسەسى باستاماسىمەن "سىبايلاس جەمقورلىق ءبىز ءۇشىن ەمەس!" اتتى جوباسى ازىرلەندى. اتالعان جوبانىڭ نەگىزگى ماقساتى - مەملەكەتتىك ورگانداردىڭ ءبىرىنشى باسشىلارى مەن ءتۇرلى دەڭگەيدەگى اكىمدەردىڭ وزدەرىنىڭ ايلىق جالاقىلارىن ءتۇرلى اقپاراتتىق جەلىلىردە جاريا ەتۋ بولىپ تابىلادى. وسىلايشا اتالعان جوبانى قولداي وتىرىپ، قوستاناي وبلىسى اكىمىنىڭ ايلىق جالاقىسى - 766 مىڭ تەڭگەنى قۇرايتىنىن جەتكىزگىم كەلەدى كەلەدى. جالپى بۇل باستاماشىلىق اكتسيا مەملەكەتتىك قىزمەتتىڭ اشىقتىعىن ءارى ايقىندىعىن كورسەتىپ، مەملەكەتتىك ورگاندار مەن قوعام اراسىنداعى قاشىقتىقتى قىسقارتۋ، سونداي-اق مەملەكەت باسشىسى ۇسىنعان "حالىق ۇنىنە قۇلاق اساتىن مەملەكەت" كونتسەپتسياسىن جۇزەگە اسىرۋعا ءوز ىقپالىن تيگىزەتىنىنە نىق سەنىمدىمىن،"- دەدى وبلىس اكىمى.
ەستەرىڭىزگە سالا كەتسەك، ارحيمەد مىرزا 2016 جىلى ەڭ تومەن ايلىق الاتىن اكىم رەتىندە تانىلىپ، 636 947 تەڭگە ايلىق الاتىنى جاريالانعان.
اكىمنىڭ تولىق بايانداماسى سىلتەمەدە.
"ادىرنا" ۇلتتىق پورتالى
